ໃນຄໍລຳ ຄວາມຮູ້ຮອບຕົວ ວັນນີ້ ເຮົາຈະມານຳສະເໜີ 10 ອັນດັບປະເທດທີ່ມີປະຊາກອນໜ້ອຍທີ່ສຸດໃນໂລກ (ນັບສະເພາະປະເທດທີ່ເປັນເອກະລາດເທົ່ານັ້ນ) ຫຼັງຈາກສະບັບທີ່ຜ່ານມາທາງທີມງານລາວໂພສຕ໌ ເຄີຍນຳສະເໜີ ໃນຫົວບົດກ່ຽວກັບ 10 ອັນດັບປະເທດທີ່ມີປະຊາກອນຫຼາຍທີ່ສຸດໃນໂລກ ໄປແລ້ວ ກໍ່ມີຄຳຂໍຈາກແຟນເພສ ພວກເຮົາກໍ່ບໍ່ລໍຊ້າວັນນີ້ເລີຍຈັດມາໃຫ້ຮູ້ຈັກນຳກັນ

ອັນດັບທີ 10  ປະເທດ Dominica ໂດມິນິກັນ ຕັ້ງຢູ່ທະວີບ ອາເມລິກາເໜືອ ໃນທະເລແຄຣິບບຽນ ເມືອງຫຼວງ ນະຄອນໂຣໂຊ (Roseau) ມີຈຳນວນປະຊາກອນ: 68,000 ຄົນ

ອັນດັບທີ 9 ປະເທດ Marshall Islands ໝູ່ເກາະມາຣແຊລ ຕັ້ງຢູ່ທະວີບ ອອສເຕຣເລຍ ແລະ ໂອເຊຍເນຍ ໃນມະຫາສະໝຸດປາຊິຟິກ, ເມືອງຫຼວງ ນະຄອນມາຈູໂຣ (Majuro) ມີຈຳນວນປະຊາກອນ: 63,000 ຄົນ

ອັນດັບທີ 8 ປະເທດ St.Kitts and the Nevis ເຊນຄິດສ໌ ແລະ ເນວິສ ຕັ້ງຢູ່ທະວີບ ອາເມລິກາເໜືອ ໃນທະເລແຄຣິບບຽນ ເມືອງຫຼວງ ນະຄອນບາສແຕຣ໌ (Basseterre) ມີຈຳນວນປະຊາກອນ: 53,000 ຄົນ

ອັນດັບທີ 7  ປະເທດ Liechtenstein ລິກເຕນສໄຕນ໌ ຕັ້ງຢູ່ທະວີບຢຸໂຣບຕອນກາງ ເມືອງຫຼວງ ນະຄອນ ວາດຸຊ (Vaduz) ມີປະຊາກອນທັງໝົດ 36,593 ຄົນ

ອັນດັບທີ 6 ປະເທດ Monaco ໂມນາໂຄ ຕັ້ງຢູ່ທະວີບຢຸໂຣບຕະເວັນຕົກ ຕິດຊາຍແດນຝຣັ່ງ ເມືອງຫຼວງ ນະຄອນ ໂມນາໂກ (Monaco) ມີປະຊາກອນ: 33,700 ຄົນ

ອັນດັບທີ 5 ປະເທດ San Marino ຊານມາຣິໂນ ຕັ້ງຢູ່ທະວີບຢຸໂຣບຕອນໃຕ້ ເຂດພູເຂົາແອພແພນໄນນ໌ ປະເທດອີຕາລີ ເມືອງຫຼວງ ນະຄອນ ຊານມາຣິໂນ (San Marino) ມີຈຳນວນປະຊາກອນ: 31,000 ຄົນ

ອັນດັບທີ 4  ປະເທດ Palau ປາເລົາ ຕັ້ງຢູ່ທະວີບ ອອສເຕຣເລຍ ແລະ ໂອເຊຍເນຍ ໃນມະຫາສະໝຸດປາຊິຟິກ, ເມືອງຫຼວງ ນະຄອນຟູນະຟູຕິ (Funafuti)  ມີປະຊາກອນ:  20,500 ຄົນ

ອັນດັບທີ 3 ປະເທດ Tuvalu ຕູວາລູ ຕັ້ງຢູ່ທະວີບ ອອສເຕຣເລຍ ແລະ ໂອເຊຍເນຍ ໃນມະຫາສະໝຸດປາຊິຟິກ, ເມືອງຫຼວງ ນະຄອນກໍຣໍ (Koror) ມີປະຊາກອນ: 10,200 ຄົນ ໝາຍເຫດ: ຕູວາລູຈະເປັນປະເທດທຳອິດທີ່ຈົມສູ່ພື້ນທະເລເນື່ອງຈາກຜົນກະທົບທາງພາວະໂລກຮ້ອນ

ອັນດັບທີ 2 ປະເທດ Nauru ນາອູຣູ ຕັ້ງຢູ່ທະວີບ ອອສເຕຣເລຍ ແລະ ໂອເຊຍເນຍ ໃນມະຫາສະໝຸດປາຊິຟິກ, ເມືອງຫຼວງ  ຢາເຣນ (Yaren) ຈຳນວນປະຊາກອນ: 10,000 ຄົນ

ອັນດັບທີ 1 Vatican City ນະຄອນລັດວາຕິກັນ ຕັ້ງຢູ່ທະວິບ ຢຸໂຣບຕອນໃຕ້ ໃຈກາງນະຄອນຫຼວງໂຣມ ປະເທດ ອີຕະລີ ເມືອງຫຼວງຊື່ ວາຕິກັນ (Vatican) ຈຳນວນປະຊາກອນ: 1,000 ຄົນ (ສ່ວນຫຼາຍເປັນຜູ້ຮັກສາຄວາມປອດໄພຊາວສະວິດ ແລະ ພວກນັກບວດໃນສາສາະໜາຄຣິສຕ້ຽນ) 

ຂໍ້ມູນຈາກ: http://kroobannok.com/blog/21031
ຕິດຕາມນານາສາລະ ກົດໄລຄ໌ເລີຍ!