ຫຼ້າສຸດນີ້ AnTuTu ໄດ້ປ່ອຍຜົນການຈັດອັນດັບຄະແນນສະມາດໂຟນສູງສຸດປະຈຳເດືອນກັນຍາອອກມາແລ້ວ ໂດຍແບ່ງອອກເປັນ 3 ໝວດຄື: ໝວດລະບົບ iOS, ໝວດລະບົບ Android ແລະ ໝວດລວມຮິດສະມາດໂຟນ.
ສຳລັບໝວດລວມຮິດ 10 ອັນດັບສະມາດໂຟນມີດັ່ງນີ້:
ຈາກຮູບດ້ານເທິງເຮົາຈະເຫັນວ່າ iPhone 7 Plus ແມ່ນໄດ້ອັນດັບ 1 ແລະ iPhone 7 ຢູ່ອັນດັບ 2, ເຊິ່ງມິຄະແນນຢູ່ທີ່ 172644 ແລະ 170124 ຕາມລຳດັບ ໂດຍທັງສອງເຄື່ອງແມ່ນໃຊ້ຊີພີຢູໃໝ່ຫຼ້າສຸດນັ້ນກໍຄື Apple A10 Fusion Chip. ສຳລັບອັນດັບ 3 ແມ່ນ LeEco Le Pro 3 ທີ່ເປັນສະມາດໂຟນຈາກຜູ້ຜະລິດຈີນລາຍທຳອິດທີ່ໃຊ້ຊິບ Snapdragon 821 ໂດຍໄດ້ຄະແນນທີ່ 160856.
ສຳລັບໝວດ 10 ອັນດັບອຸປະກອນລະບົບ iOS ມີດັ່ງນີ້:
ໃນສ່ວນຂອງລະບົບ iOS ແມ່ນຕ້ອງຍົກໃຫ້ກັບທາງ iPad Pro ທີ່ມາພ້ອມກັບຊິບ Apple A9X ທີ່ສາມາດປັ່ນຄະແນນໄປໄດ້ສູງກວ່າ iPhone 7 Plus ແລະ iPhone 7 ເຖິງ 4622 ຄະແນນ
ສຳລັບໝວດ 10 ອັນດັບອຸປະກອນລະບົບ Android ມີດັ່ງນີ້:
ສຳລັບລະບົບ Android ແມ່ນມີເພີ່ມມາອີກ 2 ລຸ້ນ ຈາກຮູບທຳອິດຄື: ZUK Z2 Pro ທີ່ 136853 ຄະແນນ ແລະ Xiaomi Mi 5 ທີ່ 136773 ຄະແນນ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: gizmochina