ສຳນັກຂ່າວຕ່າງປະເທດ ລາຍງານໃນວັນທີ 2 ຕຸລາຜ່ານມານີ້ວ່າ ເກີດເຫດລະເບີດແຕກທີ່ຮ້ານອາຫານ ລາ ໂບຮີເມຍ ໃນເມືອງເບເລດ ທາງພາກໃຕ້ຂອງປະເທດແອັດສະປາຍ ໃນຂະນະທີ່ຜູ້ຄົນຈຳນວນຫລວງຫລາຍ ກຳລັງສະເຫລີມສະຫລອງເທດສະການປະຈຳທ້ອງຖິ່ນ ສົ່ງຜົນເຮັດໃຫ້ມີຜູ້ໄດ້ຮັບບາດເຈັບປະມານ 90 ຄົນ ຊຶ່ງໃນຈຳນວນນີ້ ອາການສາຫັດ 5 ຄົນ.

ໜ່ວຍກູ້ໄພໃນທ້ອງຖິ່ນໄດ້ລະບຸວ່າ ພາຍຫລັງເກີດເຫດ ໄດ້ຮັບການແຈ້ງເຫດຈາກປະຊາຊົນ ຈຳນວນຫລາຍສິບຄັ້ງ ຊຶ່ງຄາດວ່າອາດເປັນການກໍ່ການຮ້າຍ, ສ່ວນໜັງສືພິມທ້ອງຖິ່ນຂອງແອັດສະປາຍ ກໍໄດ້ລາຍງານວ່າ ກ່ອນເກີດເຫດດັ່ງກ່າວ ພະນັກງານຂອງຮ້ານອາຫານ ໄດ້ມີການແຈ້ງເຕືອນໄພໃຫ້ແກ່ແຂກ ບໍ່ດົນກ່ອນທີ່ຈະເກີດການລະເບີດ ເຮັດໃຫ້ບໍ່ສາມາດອົບພະຍົບຜູ້ຄົນ ໜີອອກຈາກຮ້ານໄດ້ທັນ.

 
ຕິດຕາມເຮົາທາງFacebook ກົດຖືກໃຈເລີຍ!