ແຫຼ່ງຂ່າວຂອງຕ່າງປະເທດລາຍງານວ່າ ເຈົ້າໜ້າທີ່ກຳປູເຈຍ ໄດ້ເປີດເຜີຍເມື່ອເວລາ 9 ໂມງ 30 ນາທີຂອງມື້ນີ້
(14 ກໍລະກົດ) ເກີດເຫດເຮລີຄອບເຕີທະຫານ ຕົກໃນພື້ນທີ່ແຄມເມືອງຫຼວງພະນົມເປັນ ເຊິ່ງເປັນເຫດໃຫ້ນາຍ
ທະຫານເສຍຊີວິດທັນທີ 5 ຄົນ ແລະ ໄດ້ຮັບບາດເຈັບ 1 ຄົນ.
ເຮລີຄອບເຕີ Z-9 ຂອງກອງທັບອາກາດກຳປູເຈຍ ຕົກລົງໃນສະນ້ຳພື້ນທີ່ແຂວງໄປຣຊໍ ເຂດດອງກໍ ເຊ່ິ່ງຫ່າງ
ຈາກນະຄອນຫຼວງພະນົມເປັນ ປະມານ 10 ກິໂລແມັດ, ໃນຂະນະທີ່ຜູ້ບັງຄັບບັນຊາໃນກອງທັບ ລົງກວດກາ
ການເຝິກທະຫານ ເຮັດໃຫ້ມີຜູ້ເສຍຊີວິດ 5 ຄົນ ແລະ ອີກ 1 ຄົນບາດເຈັບສາຫັດ ໂດຍການໂດດອອກມາຈາກ
ເຮລີຄອບເຕີ ເຊິ່ງຢູ່ໃນເຮລີຄອບເຕີລຳດັ່ງກ່າວ ປະກອບມີເຈົ້າໜ້າທີ່ທະຫານທັງໝົດ 6 ຄົນ.
ພົນເອກ ເຕຍ ບັນ ລັດຖະມົນຕີກະຊວງປ້ອງກັນປະເທດກຳປູເຈຍ ໄດ້ຢືນຢັນຄືນເຖິງເຫດການດັ່ງກ່າວ ແລະ
ກ່າວວ່າ ເຈົ້າໜ້າທີ່ກຳລັງດຳເນີນການສືບສວນຫາສາເຫດ.
ທີມກູ້ໄພ ແລະ ເຈົ້າໜ້າທີ່ຕຳຫຼວດ ເດີນທາງເຖິງຈຸດເກີດເຫດ ໂດຍໄດ້ພົບຊາກເຮລິຄອບເຕີຈົມຢູ່ໃນສະນ້ຳ
ເຊິ່ງຜູ້ເສຍຊີວິດ ແມ່ນປະກອບມີ ພົນອາກາດໂທ ອຸກ ວັນຮາ ຮອງເສນາທິການກອງທັບອາກາດກຳປູເຈຍ
ລວມຢູ່ໃນນັ້ນດ້ວຍ.