spot_img
Homeຂ່າວການສຶກສາລັດຖະມົນຕີສຶກສາ ຊີ້ແຈງເລື່ອງໃບປະກາດປອມ!

ລັດຖະມົນຕີສຶກສາ ຊີ້ແຈງເລື່ອງໃບປະກາດປອມ!

Published on

phankham

ທ່ານ ດຣ. ພັນຄຳ ວິພາວັນ ລັດຖະມົນຕີວ່າການກະຊວງສຶກສາທິການ ແລະ ກິລາ ໄດ້ຊີ້ແຈງຕໍ່ຄຳຊັກຖາມຂອງ

ສະມາຊິກສະພາແຫ່ງຊາດ (ສສຊ) ໃນວັນທີ 11 ເດືອນ ກໍລະກົດ ປີ 2014 ຕໍ່ການກວດເຫັນປະກາສະນີຍະບັດປອມ

ຈົບຊັ້ນມັດທະຍົມຕອນປາຍ 176 ໃບ ແລະ ຮຽນຈົບບາງຄະນະຂອງມະຫາວິທະຍາໄລແຫ່ງຊາດຈຳນວນໜຶ່ງ ທີ່ຢູ່

ໃນການຄຸ້ມຄອງຂອງຜູ້ກ່ຽວຂ້ອງ, ໄດ້ເຫັນບຸກຄົນຈຳນວນໜຶ່ງທີ່ຜະລິດ ແລະ ອອກໃບປະກາສະນີຍະບັດປອມ

ຕໍ່ກັບບັນຫາດັ່ງກ່າວ ກະຊວງສຶກສາທິການ ແລະ ກິລາ ໄດ້ມີບາງມາດຕະການແກ້ໄຂຕໍ່ກັບຜູ້ທີ່ມີ ແລະ ໃຊ້ໃບປະ

ກາສະນີຍະບັດປອມຄື: ກະຊວງສຶກສາທິການ ແລະ ກິລາ ແລະ ມະຫາວິທະຍາໄລແຫ່ງຊາດ ໃນຖານະຜູ້ຮັບຜິດ

ຊອບອອກໃບປະກາສະນີຍະບັ ດທີ່ຖືກຕ້ອງຕາມກົດໝາຍໄດ້ອອກຄຳສັ່ງລົບລ້າງປະກາສະນີຍະບັດປອມດັ່ງກ່າວ,

ສັ່ງໂຈະການຮຽນສຳລັບຜູ້ກຳລັງຮຽນຢູ່ໃນສະຖາບັນອາຊີວະສຶກສາ ແລະ ມະຫາວິທະຍາໄລທັງພາກລັດ ແລະ ພາກ

ເອກະຊົນ, ສຳລັບຜູ້ຮຽນຈົບ ຫລື ຜູ້ທີ່ເປັນພະນັກງານແລ້ວກໍໄດ້ແຈ້ງໃຫ້ກົມກອງຜູ້ກ່ຽວຮັບຊາບ ແລະ ສະເໜີໃຫ້

ພາກສ່ວນກ່ຽວຂ້ອງ ປະຕິບັດວິໄນຕໍ່ຜູ້ກ່ຽວຕາມລະບຽບຫລັກການ. ພ້ອມດຽວກັນນັ້ນ ກໍໄດ້ສົ່ງສຳນວນລາຍຊື່ຜູ້

ກ່ຽວຂ້ອງໃຫ້ເຈົ້າໜ້າທີ່ສືບຕໍ່ດຳເນີນຕາມລະບຽບກົດໝາຍ.

ສຳລັບຜູ້ທີ່ຜະລິດ ແລະ ອອກໃບປະກາດປອມ, ທາງກະຊວງສຶກສາທິການ ແລະ ກິລາ ໄດ້ສົມທົບ ແລະ ລາຍງານ

ໃຫ້ເຈົ້າໜ້າທີ່ທີ່ກ່ຽວຂ້ອງ ນຳຕົວຜູ້ກ່ຽວໄປລົງໂທດຕາມລະບຽບກົດໝາຍ. ສ່ວນວິທີການແກ້ໄຂລວມກ່ຽວກັບ

ການປອມແປງໃບປະກາສະນິຍະບັດນີ້ ທາງກະຊວງສຶກສາທິການ ແລະ ກິລາ ໄດ້ອອກຄຳສັ່ງແນະນຳໃຫ້ທຸກອົງ

ການຈັດຕັ້ງທັງພາກລັດ ແລະ ເອກະຊົນໃນທົ່ວປະເທດ, ໃຫ້ທຸກອົງການຈັດຕັ້ງທີ່ກ່ຽວຂ້ອງເປັນເຈົ້າການຕິດຕາມ

ແລະ ກວດກາເອກະສານ ຢັ້ງຢືນວຸດທິການສຶກສາຜູ້ທີ່ຢູ່ໃນການຄຸ້ມຄອງຂອງອົງການຕົນ ນັບທັງຜູ້ສະໝັກເຂົ້າ

ເຮັດວຽກໃໝ່, ຖ້າພົບເຫັນຜູ້ທີ່ນຳໃຊ້ໃບປະກາສະນີຍະບັດປອມ ກໍໃຫ້ດຳເນີນໄປຕາມລະບຽບກົດໝາຍ, ນອກນີ້

ທາງກະຊວງສຶກສາທິການ ແລະ ກິລາ ຈະໄດ້ປັບປຸງຄືນໃໝ່ລະບົບການຕິດຕາມການເຂົ້າຮຽນ, ຜົນການຮຽນ

ແລະ ການເຄື່ອນຍ້າຍຂອງນັກຮຽນ – ນັກສຶກສາແຕ່ລະຄົນ ນັບແຕ່ມື້ລົງທະບຽນເຂົ້າຮຽນປີທີ 1 ຫລື ປີກຽມ

ຮອດປີສຸດທ້າຍຂອງຊັ້ນຮຽນນັ້ນໆ ຮອດມື້ສອບເສັງຈົບຊັ້ນຮຽນນັ້ນໆ, ຈະໄດ້ປັບປຸງລະບົບການກວດກາສົ້ນເຂົ້າ

ແລະ ສົ້ນອອກຂອງນັກຮຽນ – ນັກສຶກສາ ແຕ່ລະຊັ້ນ ແຕ່ລະສາຍ ໃນແຕ່ລະລຸ້ນໃຫ້ເຄັ່ງຄັດ, ຊັດເຈນ ແລະ ເດັດ

ຂາດ, ປັບປຸງລະບົບຮັບ – ສົ່ງ ຖານສະຖິຕິຂໍ້ມູນຂ່າວສານ ໂດຍນຳໃຊ້ລະບົບທາງເອເລັກໂຕນິກ, ເວບໄຊໃຫ້ເຊື່ອມ

ສານຫາກັນໄດ້ສະດວກຂຶ້ນລະຫວ່າງພາຍໃນ ແລະ ຂະແໜງການອື່ນໆທີ່ກ່ຽວຂ້ອງ, ປັບປຸງ ແລະ ແບ່ງຄວາມຮັບ

ຜິດຊອບຄືນໃໝ່ການແບ່ງຂັ້ນຄຸ້ມຄອງລະຫວ່າງກະຊວງສຶກສາທິການ ແລະ ກິລາ ກັບທ້ອງຖິ່ນ, ສະຖາບັນການ

ສຶກສາກ່ຽວກັບການຄຸ້ມຄອງ, ການຜະລິດ ແລະ ການອອກໃບປະກາສະນີຍະບັດຈົບຊັ້ນຂອງແຕ່ລະຊັ້ນຮຽນ

ແລະ ທົ່ວສັງຄົມ ຕ້ອງເປັນເຈົ້າການມີຄວາມຮັບຜິດຊອບຮ່ວມກັນໃນການຕ້ານ, ສະກັດກັ້ນ ແລະ ແກ້ໄຂບັນຫາ

ດັ່ງກ່າວ ໂດຍເລີ່ມຈາກບໍ່ໃຫ້ຄວາມຮ່ວມມືກັບກຸ່ມຄົນທີ່ເຄື່ອນໄຫວເພື່ອປອມແປງໃບປະກາສະນິຍະບັດໃຫ້ພາກ

ສ່ວນກ່ຽວຂ້ອງ ແລະ ເຈົ້າໜ້າທີ່ຮັບຊາບໂດຍດ່ວນ ເພື່ອຕິດຕາມນຳມາສອບສວນ, ສືບສວນ ແລະ ປະຕິບັດວິໄນ

ຕາມລະບຽບກົດໝາຍ.

ແຫຼ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...