ສຳນັກຂ່າວຕ່າງປະເທດ ລາຍງານໃນວັນທີ 7 ກັນຍາຜ່ານມານີ້ວ່າ ໃນເວລາ 16:00 ໂມງ ຂອງວັນທີ 5 ກັນຍາຜ່ານມານີ້ ໄດ້ເກີດອຸບັດເຫດ ລົດຫົວລາກຄັນໜຶ່ງ ຊຶ່ງບັນທຸກລົດເກັງມາເຕັມຄັນລົດ ຕຳເຂົ້າກັບຮາວເຫລັກຂ້າງຖະໜົນ ຈົນຫົວລົດລາກຄັນດັ່ງກ່າວ ຄ້າງຢູ່ແຄມເຫວເລິກ ເທິງຖະໜົນຫລວງແຫ່ງໜຶ່ງຢູ່ແຂວງກວາງຕຸ້ງ ທາງພາກໃຕ້ຂອງປະເທດຈີນ ຊຶ່ງແຫລ່ງຂ່າວໄດ້ລາຍງານວ່າ ລົດຄັນດັ່ງກ່າວນີ້ ແລ່ນມາດ້ວຍຄວາມໄວສູງ ແລະ ເມື່ອຮອດຈຸດເກີດເຫດ ໄດ້ເຈືອກອອກໄປຂ້າງທາງ ແລະ ຕຳເຂົ້າກັບຮົ້ວເຫລັກດັ່ງກ່າວໂດຍກົງ ແລ້ວໄຫລລາກໄປຈາກຈຸດປະທະເກືອບຮ້ອຍແມັດ ເຮັດໃຫ້ສ່ວນຫົວລົດຍື່ນອອກໄປຄ້າງຢູ່ເທິງຂອບເຫວ ທີ່ມີຄວາມສູງເຖິງ 150 ແມັດ.

ແນວໃດກໍຕາມ ອຸບັດເຫດດັ່ງກ່າວນີ້ ບໍ່ມີໃຜໄດ້ຮັບບາດເຈັບ ຫລື ເສຍຊີວິດແຕ່ຢ່າງໃດ, ສ່ວນລົດເກັງທີ່ລົດຄັນດ່ັງກ່າວບັນທຸກມາ ຍັງບໍ່ສາມາດປະເມີນຄວາມເສຍຫາຍໄດ້ເທື່ອ.

ຕິດຕາມເຮົາທາງFacebook ກົດຖືກໃຈເລີຍ!