ຂປລ. ກອງປະຊຸມການຈັດຕັ້ງປະຕິບັດໂຄງການຍ່ອຍ ການຂຶ້ນບັນຊີໂຄງການເຊົ່າ ແລະ ສໍາປະທານທີ່ດິນ ໄລຍະ 3 ໄດ້ຈັດຂຶ້ນໃນວັນທີ 7 ກັນຍາ 2016 ຜ່ານມາ ທີ່ແຂວງບໍລິຄໍາໄຊ.
ທ່ານ ອານົງສອນ ພົມມະຈັນ ໄດ້ກ່າວວ່າ: ໂຄງການເຊົ່າ ແລະ ສຳປະທານທີ່ດິນລັດ, ການປະເມີນຄຸນນະພາບ ໂຄງການເຊົ່າ ແລະ ສຳປະທານທີ່ດິນລັດຢູ່ ສປປ ລາວ ແມ່ນມີຄວາມສຳຄັນຫລາຍ ໃນການວາງນະໂຍບາຍ, ຍຸດທະສາດ ແລະ ແຜນການ ໃນການຄຸ້ມຄອງ ແລະ ຕິດຕາມກວດກາການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມຂອງຊາດ ໂດຍສະເພາະວຽກງານການລົງທຶນ ເອກະຊົນ ໃນການເຊົ່າ ແລະ ສຳປະທານທີ່ດິນລັດ ເພື່ອເຮັດໃຫ້ການຈັດຕັ້ງປະຕິບັດ ບັນດາໂຄງການເຊົ່າ ແລະ ສຳປະທານທີ່ດິນຂອງລັດ ທີ່ໄດ້ອະນຸມັດໄປແລ້ວໃນໄລຍະຜ່ານມາ ໃຫ້ມີປະສິດທິຜົນສູງ ແລະ ໃຫ້ສອດຄ່ອງກັບ ການວາງແຜນຍຸດທະສາດ ການລົງທຶນໃນຕໍ່ໜ້າ.
ຕິດຕາມເຮົາທາງFacebook ກົດຖືກໃຈເລີຍ!