ສຳນັກຂ່າວຊິນຮວາຂອງຈີນ ລາຍງານໃນວັນທີ 7 ກັນຍານີ້ວ່າ ໃນຕອນຄ່ຳຂອງມື້ວານນີ້ (6 ກັນຍາ) ໄດ້ເກີດເຫດລະເບີດຂຶ້ນ ຢູ່ບໍລິເວນແຄມຖະໜົນແຫ່ງໜຶ່ງ ໃຈກາງນະຄອນຫລວງພະນົມເປັນ ປະເທດກຳປູເຈຍ ສົ່ງຜົນເຮັດໃຫ້ມີຜູ້ໄດ້ຮັບບາດເຈັບ 3 ຄົນ ຊຶ່ງຜູ້ບັນຊາການຕຳຫລວດ ນະຄອນຫລວງພະນົມເປັນ ໄດ້ກ່າວວ່າ ຜູ້ໄດ້ຮັບບາດເຈັບທັງ 3 ຄົນນີ້ ເປັນຊາຍສັນຊາດອິນເດຍ 1 ຄົນ, ຊາຍຊາວຫວຽດນາມ 1 ຄົນ ແລະ ເປັນຍິງຊາວກຳປູເຈຍ 1 ຄົນ, ພ້ອມກັນນັ້ນ ຍັງມີລົດໃຫຍ່ທີ່ຈອດຢູ່ບໍລິເວນດັ່ງກ່າວ ໄດ້ຮັບຄວາມເສຍຫາຍຈາກແຮງລະເບີດອີກ 3 ຄັນ.
ຜູ້ເຫັນເຫດການໄດ້ເປີດເຜີຍວ່າ ເຫັນຜູ້ຖືກສົງໄສຂີ່ລົດຈັກເຂົົ້າມາ ແລ້ວໂຍນລະເບີດໄປຫາລົດໃຫຍ່ຍີ່ຫໍ້ເລັກຊັສຄັນໜຶ່ງ ຈາກນັ້ນກໍຂັບລົດຫລົບໜີອອກໄປ, ເຈົ້າໜ້າທີ່ຕຳຫລວດກຳປູເຈຍລະບຸວ່າ ເຫດການດັ່ງກ່າວນີ້ ເປັນການຄາດຕະກຳທີ່ບໍ່ປະສົບຜົນສຳເລັດ ຊຶ່ງຈະດຳເນີນການສືບສວນ ເພື່ອຊອກຫາຜູ້ກໍ່ເຫດ ມາຮັບໂທດຕາມກົດໝາຍຕໍ່ໄປ.
ຕິດຕາມເຮົາທາງFacebook ກົດຖືກໃຈເລີຍ!