ຂປລ. ບຸນມີ ແສງທຸມມີ ຜູ້ສື່ຂ່າວຈາກແຂວງຊຽງຂວາງ ລາຍງານໃຫ້ຮູ້ວ່າ: ວັນທີ 6 ກັນຍາ2016 ນີ້, ຢູ່ວັດໄຫຫີນມີໄຊຍະຣາມ ໄດ້ມີພິທີມອບ–ຮັບ ໃບຕາດິນລວມໝູ່ທໍລະນີສົງ ວັດໄຫຫີນ ມີໄຊຍະຣາມ ລວມເນື້ອທີ່ກວ່າ 18 ເຮັກຕາ ເພື່ອສ້າງວັດໄຫຫີນມີໄຊຍະຣາມ ໃຫ້ມີຄວາມເໝາະສົມ ຖືກຕ້ອງຕາມຮີດຄອງປະເພນີ ເປັນບ່ອນສັກກາລະບູຊາ ທີ່ມີຄວາມສວຍງາມ ເຊິ່ງກ່າວມອບໂດຍ ທ່ານ ບົວສອນ ສີນວນທອງ ຮອງເຈົ້າແຂວງໆຊຽງຂວາງ ແລະ ກ່າວຮັບໂດຍ ພະອາຈານ ວັນສົມ ບຸດດາວົງ ປະທານອົງການພຸດທະສາສະໜາສຳພັນລາວ ປະຈຳແຂວງຊຽງຂວາງ.
ໃນໂອກາດນີ້ ກໍໄດ້ປະຕິບັດຕາມຮີດຄອງປະເພນີ ໂດຍໄດ້ມີການຟັງທຳມະເທດສະໜາ, ໃສ່ບາດຢາດນ້ຳ ໂດຍມີການນຳຂອງແຂວງ ພ້ອມຄອບຄົວ, ຫົວໜ້າພະແນກການ, ຫ້ອງການ, ກອງບັນຊາການ, ພະນັກງານ, ນັກທຸລະກິດ, ຊາວຄ້າຂາຍ ຕະຫລອດຮອດ ພໍ່ແມ່ປະຊາຊົນທີ່ຢູ່ໄກ້ຄຽງເຂົ້າຮ່ວມ. ໃນການເຮັດບຸນຄັ້ງນີ້ ສາມາດລະດົມທຶນຈາກຜູ້ທີ່ມີຈິດໃຈໃສ່ສັດທາ ຮ່ວມບໍລິຈາກໄດ້ 20 ລ້ານກ່ວາກີບ ເຊິ່ງເງິນດັ່ງກ່າວ ຈະນຳໃຊ້ເຂົ້າໃນການສ້ອມແປງສາລາ, ເຮັດສີໜ້າສາລາ, ເພດານ ແລະ ກັນສາດ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!