ຊຶ່ງການຊ່ວຍເຫຼືອດັ່ງກ່າວແມ່ນໃນໂອກາດທ່ານ ບາຣັກ ໂອບາມາ ປະທານາທິບໍດີສະຫະລັດອາເມລິກາເດີນທາງຢ້ຽມຢາມ ສປປ ລາວ ຄັ້ງປະຫວັດສາດ ເພື່ອສ້າງສາຍພົວພັນເສດຖະກິດລະຫວ່າງສະຫະລັດ ແລະລາວໃຫ້ສືບຕໍ່ຂະຫຍາຍຕົວຍິ່ງໆຂຶ້ນ.

ພິທີເຊັນສັນຍາຊ່ວຍເຫຼືອດັ່ງກ່າວມີ ຂຶ້ນໃນວັນທີ 5 ກັນຍາ 2016 ທີ່ນະຄອນຫຼວງວຽງຈັນ ໂດຍໃຫ້ຮັບກຽດເຊັນລະຫວ່າງ, ທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະກີລາ, ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີ ແລະໂທລະຄົມມະນາຄົມ, ທ່ານ ແດນຽວ ເອ ຄລູນ ເອກອັກຄະລັດທະທູດອາເມລິກາປະຈຳລາວ ທ່ານ Michele Simmonsz ຜູ້ຈັດການທົ່ວໄປສຳລັບຕະຫຼາດໃໝ່ບໍລິສັດໄມໂຄຣຊັອບປະຈຳຂົງເຂດອາຊີປາຊີຟິກພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ການຮ່ວມມືຄັ້ງນີ້ຈະຊ່ວຍເຫຼືອນັກສຶກສາ ແລະຜູ້ປະກອບການຂອງລາວສາມາດເຂົ້າເຖິງບັນດາຫຼັກສູດການຝຶກ ອົບຮົມໂດຍນຳໃຊ້ເຕັກໂນໂລຊີລາວຫຼ້າສຸດຂອງໄມໂຄຣຊັອບ cloud technology ໃນຫົວຂໍ້ແຕກຕ່າງໆເຊັ່ນ: ເຕັກໂນໂລຊີ, ວິສະວະກຳ, ບັນຊີ ແລະພາສາອັງກິດ ຊຶ່ງການຝຶກອົບຮົມຂອງໄມໂຄຣຊັອບແມ່ນສະໜອງໃຫ້ທຶນຄ່າໃຊຈ່າຍໃຫ້ໄວໜຸ່ມລາວຜູ້ຕ້ອງການສ້າງທັກສະ ແລະຄວາມຮູ້ທີ່ຈຳເປັນເພື່ອສາມາດແຂ່ງຂັນໃນປະຊາຄົມອາຊຽນທີ່ມີການເຊື່ອມໂຍງເພີ່ມຂຶ້ນ.

ແນວໃດກໍດີພາຍໃນ 2 ປີຜ່ານມາ ໄດ້ມີໄວໜຸ່ມຫຼາຍກວ່າ 26 ລ້ານຄົນທີ່ເຂົ້າຮ່ວມຫຼັກສູດທີ່ຄ້າຍຄືກັນ ຊຶ່ງນອນໃນ 18 ປະເທດທົ່ວໂລກ.