ສາເຫດຂອງການເກີດໜິ້ວໝາກໄຂ່ຫຼັງ ຈົນຮອດປັດຈຸບັນຍັງບໍ່ຮູ້ສາເຫດທີ່ຊັດເຈນວ່າ ແມ່ນຫຍັງທີ່ເປັນສາເຫດຫຼັກທີ່ເຮັດໃຫ້ເກີດໜິ້ວໄຂ່ຫຼັງ ແຕ່ມີປັດໃຈທີ່ບົ່ງບອກວ່າ ຜູ້ປ່ວຍບາງຄົນອາດເກີດຈາກພັນທຸກຳ, ການດື່ມນ້ຳໜ້ອຍ ການຂາດນ້ຳ ການໃຊ້ຢາບາງຊະນິດ ການຕິດເຊື້ອທາງລະບົບທາງເດີນປັດສະວະ ແລະ ພະຍາດບາງຢ່າງເຊັ່ນ: Hypercalciuria ເຊິ່ງເປັນໂຣກທາງພັນທຸກຳທີ່ຮ່າງກາຍຂັບເກືອແຄລຊ້ຽມອອກໄປທາງປັດສະວະຫຼາຍເກີນໄປ ປັດໃຈຕ່າງໆເຫຼົ່ານີ້ ເປັນປັດໃຈຮວມທີ່ເຮັດໃຫ້ເກີດໜິ້ວໝາກໄຂ່ຫຼັງໄດ້
ການຮັກສາໜິ້ວໝາກໄຂ່ຫຼັງດ້ວຍສະໝຸນໄພ
- ກະຊາຍ ໂດຍການນຳເອົາຫົວກະຊາຍມາ 3 ຫົວ ກັບເປືອກຫອຍແຄງ ມາ 7 ເປືອກ ລ້າງນ້ຳໃຫ້ສະອາດດີ ຈາກນັ້ນກໍ່ນຳໄປຕົ້ມໃສ່ກັບນ້ຳໃນປະລິມານນ້ຳ 1 ລິດ ຕົ້ມຈົນນ້ຳຟົດ ແລະ ຕົ້ມຈົນນ້ຳໃຫ້ເຫຼືອໃນປະລິມານນ້ຳພຽງເຄິ່ງລິດ ດື່ມກ່ອນອາຫານເຊົ້າ-ແລງ ຄັ້ງລະ 1 ຈອກ ດື່ມຕິດຕໍ່ກັນ 3-5 ມື້ ແລ້ວຢຸດ 2 ມື້ ຈິ່ງດື່ມຕໍ່ ຈະຊ່ວຍລະລາຍໜິ້ວໄຂ່ຫຼັງໄດ້
2. ຫຍ້າໜວດແມວ ໂດຍການໃຊ້ຍອດອ່ອນ 2-3 ຍອດ ນຳມາລ້າງໃຫ້ສະອາດ ແລ້ວຕາກແດດໃຫ້ແຫ້ງ ເວລາໃຊ້ ແມ່ນໃຊ້ພຽງ 1 ຢູບມືໃສ່ລົງໃນຈອກ ແລ້ວຖອກນ້ຳຮ້ອນລົງໃສ່ຈອກ (ເຮັດຄືການຊົງຊາ) ຈາກນັ້ນກໍ່ເອົາຝາປິດໄວ້ 5-10 ນາທີ ແລ້ວຈິ່ງດື່ມ ທ່ານຄວນດື່ມຕອນທີ່ມັນຍັງຮ້ອນ ດື່ມມື້ລະ 3 ເທື່ອ ກ່ອນອາຫານ ເຊົ້າ-ສວາຍ-ແລງ ຫຼັງຈາກດື່ມນ້ຳຊາຫຍ້າໜວດແມວແລ້ວກໍ່ດື່ມນ້ຳລ້າຕາມລົງຫຼາຍໆ ຫຍ້າໜວດແມວບໍ່ຄວນໃຊ້ກັບຜູ້ປ່ວຍໂຣກຫົວໃຈ ແລະ ບໍ່ຄວນໃຊ້ກັບຄົນທີ່ກຳລັງກິນຢາແອສໄພຣິນ
ໝາຍເຫດ: ການຮັກສາດ້ວຍສະໝຸນໄພນີ້ແມ່ນຈະໃຊ້ເຮັດຜົນກັບຜູ້ປ່ວຍທີ່ເປັນໜິ້ວໄຂ່ຫຼັງໃໝ່ ຄື ໜິ້ວໄຂ່ຫຼັງຍັງນ້ອຍໆ ເທົ່ານັ້ນ
ຂໍ້ມູນຈາກ: http://www.pikool.com/
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram