ແຟນກິລາຫຼາຍຄົນ ໂດຍສະເພາະແມ່ນ ແຟນກິລາບານເຕະ ຄົງໄດ້ຕິດຕາມ ແລະ ຮັບຮູ້ຂ່າວສານກ່ຽວກັບ ການແຂ່ງຂັນບານເຕະຍິງ ຊິງແຊ້ມອາຊີ 2017 ຮອບຄັດເລືອກ ໂດຍກ່ອນໜ້ານີ້ ຄະນະບໍລິຫານງານ ບານເຕະຍິງອາຊີ ໄດ້ຕົກລົງວ່າຈະຈັດ ການແຂ່ງຂັນບານເຕະຍິງ ຊິງແຊ້ມອາຊີ 2017 ຮອບສຸດທ້າຍ ຢູ່ທີ່ ປະເທດຈີນ ໃນທ້າຍປີ 2017 ແຕ່ໃນທ້າຍອາທິດແລ້ວນີ້ ໄດ້ມີການຈັດກອງປະຊຸມ ຕົກລົງກັນຄືນໃໝ່ ກ່ຽວກັບບັນຫາດັ່ງກ່າວ.
ໃນວັນທີ 04 ກັນຍາ 2016 ຄະນະບໍລິຫານງານ ບານເຕະຍິງອາຊີ ໄດ້ມີການປະຊຸມຄົບຄະນະ ທີ່ຊົນບູຣີ ປະເທດໄທ ໂດຍມີທ່ານ ນາງ ໂມຢາ ດ໋ອດ ຈາກ ອອສເຕຣເລຍ ຫົວໜ້າຄະນະບໍຫານງານ ບານເຕະຍິງອາຊີ ທັງເປັນ ຮອງປະທານ ສະຫະພັນບານເຕະ ແຫ່ງຊາດອາຊີ ເປັນປະທານກອງປະຊຸມ ພ້ອມຄະນະ ໂດຍເນື້ອໃນຫລັກ ຂອງກອງປະຊຸມ ແມ່ນການລົງມະຕິເຫັນດີ ຮັບຮອງເອົາບັນດາປະເທດ ທີ່ຈະເປັນເຈົ້າພາບຈັດ ການແຂ່ງຂັນກິລາ ບານເຕະຍິງ ຮອບສຸດທ້າຍ ຂອງສະຫະພັນບານເຕະ ແຫ່ງຊາດອາຊີ ຫລື AFC ດັ່ງນີ້:
1. ການແຂ່ງຂັນ ຊີງແຊ້ມບານເຕະຍິງ ອາຊີ ລຸ້ນອາຍຸບໍ່ເກີນ16ປີ 2017 (AFC U-16 Women’s Championship 2017 finals) ໄດ້ຮັບຮອງເອົາ ປະເທດໄທ ເປັນເຈົ້າພາບ ເຊິ່ງຈະຈັດຢູ່ທີ່ ເມືອງຫຼວງບາງກອກ.
ນອກນັ້ນຍັງມີອີກ 2 ລາຍການ ດັ່ງນີ້:
2. ການແຂ່ງຂັນ ຊີງແຊ໋ມບານເຕະຍິງ ອາຊີ ລຸ້ນອາຍຸບໍ່ເກີນ19ປີ2017 (AFC U-19 Women’s Championship 2017 finals) ໄດ້ຮັບຮອງເອົາເມືອງນານຈິງ ປະເທດຈີນ ເປັນເຈົ້າພາບ.
3. ການແຂ່ງຂັນ ຊີງແຊ໋ມບານເຕະຍິງ ເອຊຽນຄັບ 2018 (AFC Women’s Asian Cup 2018) ໄດ້ຮັບຮອງເອົາ ປະເທດຈໍແດນເປັນເຈົ້າພາບ ໃນການຈັດການແຂ່ງຂັນ.
ໂດຍຄະນະກໍາມະການ ຈັດການແຂ່ງຂັນ ໄດ້ມີການລົງກວດສອບ ທັງສະໜາມການແຂ່ງຂັນ ສະໜາມຊ້ອມ ພ້ອມດ້ວຍສະຖານທີ່ພັກ ແລະ ອືນໆ ເຊິ່ງເຈົ້າພາບທັງສາມ ແມ່ນມີສັກກະຍະພາບ ແລະ ຄວາມພ້ອມໃນການຈ ັດການຈັດການແຂ່ງຂັນ ຕາມມາດຕະຖານທີ່ ເອເອັຟຊີ ໄດ້ວາງອອກ.
ດັ່ງນັ້ນ, ຈຶ່ງໄດ້ແຈ້ງຂ່າວ ມາຍັງແຟນກິລາ ແລະ ແຟນບານ ທີມຊາດລາວ ໃຫ້ໄດ້ຮັບຮູ້ຂ່າວດັ່ງກ່າວ ເພື່ອປ້ອງກັນຄວາມສັບສົນ ກັບຂ່າວທີ່ໄດ້ອອກໄປກ່ອນໜ້ານີ້.
ຂອບໃຈຂໍ້ມູນ ແລະ ພາບຈາກ: the-afc.com
ສະຫະພັນບານເຕະ ແຫ່ງຊາດລາວ
http://laosportnews.com/
ຕິດຕາມຂ່າວເສດຖະກິດລາວ ກົດໄລຄ໌ເລີຍ!