Meizu ໄດເເປີດໂຕໂທລະສັບລຸ້ນໃໝ່ຢ່າງເປັນທາງການນັ້ນກໍຄື: M3 Max. ໂດຍ M3 Max ນີ້ເປັນແຟລັບເລັດຈໍ 6 ນິ້ວ, ມາພ້ອມຊິບປະມວນຜົນ MediaTek Helio P10 ແລະ Android 6.0. ໂຕເຄື່ອງມາພ້ອມ 4 ສີໃຫ້ເລືອກຄື: ສີຄຳ, ສີເງິນ, ສີເທົາ ແລະສີທອງກຸຫຼາບ.
ສຳລັບລຸ້ນນີ້ແມ່ນອອກແບບດ້ວຍວັດສະດຸໂລຫະ, ມີລະບົບ mTouch 2.1 ສຳລັບສະແກນນິ້ວມືດ້ວຍຄວາມໄວພຽງ 0.2 ວິນາທີ ແລະການຮັກສາຄວາມປອດໄພສຳລັບການສຳລະເງິນຜ່ານລະບົບ Alipay ແລະ WeChat.
ສຳລັບສະເປັກຂອງ Meizu M3 Max ມີດັ່ງນີ້:
- ສັດສ່ວນໂຕເຄື່ອງແມ່ນ 163.4 x 81.6 x 7.94 ມມ
- ໜັກປະມານ 189 ກຣາມ
- ໃຊ້ຈໍ IPS LCD ຂະໜາດ 6 ນິ້ວ, ຄວາມລະອຽດ FullHD (1920 x 1080 ພິກເຊວ)
- ຄວາມແຈ້ງ 450 nits ແລະອັດຕາຄວາມຄົມຊັດ 1000:1
- ໃຊ້ງານຊິບປະມວນຜົນ MediaTek Helio P10 ຄວາມແຮງ 1.8 GHz
- GPU Mali T860 GPU
- RAM 3GB
- ROM 64GB ເພີ່ມກາຣ໌ດ microSD ໄດ້ 128GB
- ກ້ອງຫຼັງ 13 ລ້ານພິກເຊວ ພ້ອມແຟລັດຄູ່ໂທນ LED, PDAF, f/2.2, ເຊັນເຊີ້ Sony IMX258, ເລນ 5P
- ກ້ອງໜ້າ 5 ລ້ານພິກເຊວ, ເລນ 4P ແລະ f/2.0
- ເຊັນເຊີ້ສະແກນນິ້ວມືທີ່ປຸ່ມໂຮມ
- ໃຊ້ລະບົບ Android 6.0 (Marshmallow) ພ້ອມ Flyme UI
- ຮອງຮັບ 4G VoLTE, WiFi 802.11 a/b/g/n (5GHz and 2.4GHz), Bluetooth 4.1 LE, GPS
- ແບັດເຕີຣີ 4100mAh ຮອງຮັບສາກໄວ
ສຳລັບ Meizu M3 Max ແມ່ນເປີດໂຕມາໃນລາຄາ 1699 ຢວນ (2.065.000 ກີບ) ແລະເລີ່ມເປີດໃຫ້ສັ່ງຈອງແລ້ວຕັ້ງແຕ່ມື້ນີ້ເປັນຕົ້ນໄປ ເຊິ່ງຈະເປີດຈຳໜ່າຍໃນວັນທີ 12 ກັນຍານີ້.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: fonearena