ປັດຈຸບັນ ການບໍລິໂພກ ຜັກປອດສາດພິດ ແລະ ຜັກທີ່ເປັນຕົ້ນອ່ອນ ຕ່າງໆເຊັ່ນ: ຕົ້ນອ່ອນດອກຕາເວັນ, ຕົ້ນອ່ອນຜັກບົ້ງ ແລະ ອື່ນໆ ແຕ່ຜັກປະເພດນີ້ລາຄາອ່າວ ແພງກວ່າ ຜັກປະເພດທົ່ວໄປ ເພາະຊາວກະສິກອນຍັງບໍ່ນິຍົມປູກຫລາຍ. ດັ່ງນັ້ນຄໍລຳ ສາລະໜ້າຮູ້ ຈຶ່ງໄດ້ນຳເອົາຂໍ້ມູນ ແລະ ວິທີການປູກຜັກບົ້ງ ໄວ້ກິນເອງງ່າຍ ໂດຍບໍ່ຕ້ອງຫົດນໍ້າ ແລະ ຍັງປອດສາດພິດ ມານຳສະເໜີ ເຊິ່ງເປັນວິທີງ່າຍໆ ທີ່ທ່ານກໍສາມາດເຮັດໄດ້.

ສຳລັບອຸປະກອນ ການປູກປະກອບມີ: ກະຕ່ານ້ອຍໆ, ຊາມ ຫລື ຖັງນໍ້ານ້ອຍໆ ທີ່່ພໍດີກັບກະຕ່າ, ນໍ້າສະອາດ ແລະ ແກ່ນຜັກບົ້ງ.

ວິທີການປູກກໍງ່າຍໆ ພຽງແຕ່ນຳເອົາ ແກ່ນຜັກບົ້ງໃສ່ໃນກະຕ່າ ແລ້ວນຳໄປວາງໄວ້ໃນຊາມ ຫລື ຖັງນ້ຳ ໃສ່ນ້ຳໃຫ້ພໍຖ້ວມແກ່ນຜັກບົ້ງໜ້ອຍໜຶ່ງເມື່ອເວລາຜ່ານໄປ 2-3 ມື້ ແກ່ນຜັກບົ້ງກໍຈະແຕກໜໍ່ອອກມາ ແລະ ນຳໄປວາງໄວ້ ໃນບ່ອນທີ່ມີແສງ ລໍຖ້າເວລາໃຫ້ຜັກບົ້ງຂອງເຮົາຈະເລີນເຕີບໂຕ ກໍສາມາດເກັບມາກິນໄດ້ເລີຍ.

ທີ່ມາຈາກ: http://kpl.gov.la/
ຕິດຕາມນານາສາລະ ກົດໄລຄ໌ເລີຍ!