ພໍ່ແມ່ມືໃໝ່ມັກຈະເກີດຄວາມບໍ່ແນ່ໃຈ ແລະ ວິຕົກກັງວົນກັບອາການຕ່າງໆ ຂອງລູກນ້ອຍຢູ່ສະເໝີວ່າ ລູກມີອາ ການແບບນີ້ປົກກະຕິດີຢູ່ ຫຼື ບໍ່ ເຊິ່ງສ່ວນຫຼາຍຈະພົບວ່າເປັນເລື່ອງປົກກະຕິຂອງພໍ່ແມ່ອາດຈະກັງວົນຫຼາຍຈົນເກີນໄປ ແຕ່ສຳລັບອາການຕໍ່ໄປນີ້ ຄືສິ່ງທີ່ບໍ່ສົມຄວນເບິ່ງຂ້າມເດັດຂາດ
- ມີໄຂ້ສູງ ເດັກນ້ອຍອາຍຸຕ່ຳກວ່າ 3 ເດືອນຫາກມີໄຂ້ສູງກວ່າ 38 ອົງສາ ຖືວ່າຜິດປົກກະຕິ ຄວນພາລູກໄປພົບແພດ
- ໄຂ້ບໍ່ຫຼຸດ ຫຼື ມີໄຂ້ດົນກວ່າ 5 ວັນ ຫາກທ່ານປ້ອນຢາຫຼຸດໄຂ້ໄປແລ້ວ 4-6 ຊົ່ວໂມງ ຄວນພາລູກໄປພົບແພດ ເພາະນີ້ອາດເປັນສັນຍານຂອງການຕິດເຊື້ອທີ່ອາດມີຄວາມຮຸນແຮງໄດ້
- ມີໄຂ້ຮ່ວມກັບປວດຫົວ ອາການໄຂ້ຮ່ວມກັບອາການຄໍແຂງ ຫຼື ປວດຫົວ ຫຼື ມີຜື່ນຂຶ້ນ ເປັນຈຸດແດງນ້ອຍໆ ຫຼື ເປັນຄ້າຈຸດຊ້ຳໆ ຄວນພາລູກໄປພົບແພດ ເນື່ອງຈາກອາດເປັນສັນຍານຂອງໂຣກເຍື້ອຫຸ້ມສະໝອງອັກເສບ
- ມີໄຝຜິດປົກກະຕິ ຫາກທ່ານສັງເກດເຫັນວ່າລູກມີໄຝເກີດຂຶ້ນໃໝ່ ຫຼື ໄຝມີການປ່ຽນແປງຄວນພາລູກໄປພົບແພດ ເພາະອາດມີຄວາມສ່ຽງສູງທີ່ຈະກາຍເປັນມະເຮັງ
- ປວດທ້ອງສຽບພັນ ອາການປວດທ້ອງຢູ່ເບື້ອງຂວາດ້ານເທິງ ຫຼື ລຸ່ມ ອາດເປັນສັນຍານຂອງໂຣກໄສ້ຕິ່ງອັກເສບ ບາງຄັ້ງອາດມີອາການອື່ນໆ ຮ່ວມນຳເຊັ່ນ: ຖອກທ້ອງ ຫຼື ຮາກ ແລະ ມີໄຂ້ ຮ່ວມນຳ ຄວນພາລູກໄປພົບແພດ
ຫາກລູກມີອາຍຸນ້ອຍກວ່າ 4 ປີ ແລະ ມີອາການປວດທ້ອງຢ່າງຮຸນແຮງ ປະມານ 20-60 ນາທີ ຮ້ອງໄຫ້ ຫຼື ງໍແງ ກະວົນກະວານ ຮາກ ຖ່າຍມີເລືອດປົນອອກມາກັບມູກ ມີໄຂ້ ແລະ ອາການຊຶມລົງ ອາດເປັນວັນຍານຂອງໂຣກລຳໄສ້ກືນກັນ ຄວນພາໄປພົບແພດດ່ວນ
- ປວດຮາກ ແລະ ຮາກ ຫາກລູກມີອາການປວດຫົວໃນຕອນເຊົ້າ ຫຼື ຕື່ນຂຶ້ນມາໃນຕອນເດິກ ຮ່ວມກັບອາການຮາກ ອາດເປັນສັນຍານຂອງອາການໄມເກຣນ ເຊິ່ງຕ້ອງໄດ້ຮັກສາຢ່າງເໝາະສົມ
- ປັດສະວະໜ້ອຍລົງ ອາການປາກແຫ້ງ ປັດສະວະໜ້ອຍລົງ, ຜິວແຫ້ງ ແລະ ຮາກ ຫຼື ຖອກທ້ອງໜັກ ເປັນສັນຍານທີ່ບົ່ງບອກວ່າພາວະຂາດນ້ຳ ເຊິ່ງອາດເຮັດໃຫ້ເກີດການຊ໊ອກໄດ້ ຄວນພາລູກໄປພົບແພດ
- ຮີບສົບປາກກ່ຳ ຫາກຮີມສົບປາກຄ້ຳ ແລະ ມີບັນຫາການຫາຍໃຈ ມີສຽງຈາກບໍລິເວນເອິກ ແລະ ປອດ ອາດເກີດຈາກການສະໝັກ ອາການພູມແພ້ ປອດອັກເສບ ຄວນພາລູກໄປພົບແພດ
- ໃບໜ້າບວມ ອາການລີ້ນບວມ ປາກບວມ ຫຼື ຕາບວມ ຫາກມີການຮາກ ຫຼື ອາການຄັນຮ່ວມນຳ ມັນເປັນສັນຍານການເກີດປະຕິກິລິຍາແພ້ຮຸນແຮງ (ພູມແພ້) ຫາກລູກມີອາການບວມຮ່ວມກັບການຫາຍໃຈ ແລະ ລົມພິດຮຸນແຮງ ຄວນພາລູກໄປພົບແພດ
- ຮາກຫຼັງຕົກຈາກທີ່ສູງ ໃນເດັກນ້ອຍອາຍຸຕ່ຳກວ່າ 6 ເດືອນ ທີ່ຢູ່ໃນພາວະພິກຄວ້ຳອາດຕົກຈາກຕຽງ ຫຼື ທີ່ສູງ ແລະ ໝົດສະຕິ ຫຼື ກະດູກຫັກ ຄນພາລູກໄປພົບແພດດ່ວນ
ຫາກພົບວ່າລູກນ້ອຍຂອງທ່ານມີອາການທີ່ກ່າວມາຂ້າງເທິງນີ້ ຄວນພາລູກໄປພົບແພດໂດຍໄວ ຫາກທ່ານປ່ອຍໄວ້ອາດເກີດອາການຮຸນແຮງໄດ້
ທີ່ມາຈາກ: http://th.theasianparent.com/
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!