ໃຜກໍ່ຄົງຈະຮູ້ຈັກ “ເຂົ້າ” ເຊິ່ງຄົນທົ່ວໂລກບໍລິໂພກຢ່າງແພ່ຫຼາຍ ຮູ້ບໍ່ວ່າເຂົ້າບໍ່ໄດ້ເປັນພຽງອາຫານຫຼັກສຳລັບທຸກບ້ານ ເພາະມັນມີປະໂຫຍດຫຼາຍຢ່າງ ເປັນໄດ້ຫຼາຍກວ່າການເກັບໄວ້ກິນ
1.ຝົນຄົມມີດໃນເຄື່ອງປັ່ນໃຫ້ຄົມ ໝົດຄວາມກັງວົນເລື່ອງຄົມມີດໃນໂຖປັ່ນອາຫານບໍ່ເຂົ້າ ພຽງນຳເຂົາສານເຄິ່ງຖ້ວຍເທໃສ່ເຄື່ອງປັ່ນ ແລ້ວເປີດເຄື່ອງໃຫ້ທຳງານປະມານ 2 ນາທີ ທ່ານຈະຄືໄດ້ເຄື່ອງປັ່ນອັນໃໝ່ມາໃຊ້
2.ທຳຄວາມສະອາດໂຖ ຫຼືກວດແກ້ວ ເທເຂົ້າສານປະມານ 2 ບ່ວງລົງໃນນ້ຳອຸ່ນແຊ່ໄວ້ປະມານ 15 ນາທີເທໃສ່ຂວດແລ້ວສັ່ນ ກວດແລະໂຖຈະສະອາດຫຼາຍຂື້ນ
3.ກຳຈັດຂີ້ໝ້ຽງກັບອຸປະກອນຕ່າງໆ ໃສ່ເຂົ້າສານ 2-3 ບ່ວງລົງໃນກ໋ອງເຄື່ອງມື ເຂົ້າສານຈະຊ່ວຍດູດຄວາມຊຸ່ມ ເຮັດໃຫ້ເຄື່ອງມືໃນກ໋ອງແຫ້ງປະສະຈາກຂີ້ໝ້ຽງ
4.ເຮັດຄວາມສະອາດເຄື່ອງບົດກາເຟ ຖ້າເຄື່ອງບົດກາເຟຫຼືເຄື່ອງເທດຂອງທ່ານຝືດ ມີຂີ້ໝ້ຽງເຂົ້າສານສາມາດຊ່ວຍໃຫ້ລະບົບການເຮັດວຽກຂອງເຄື່ອງບົດກັບມາເຮັດວຽກໄດ້ຄືເກົ່າ
5.ບໍ່ເຮັດໃຫ້ເກືອຈັບກັນເປັນກ້ອນ
ຫາກລອງສັງເກດເກືອໃນກະປຸກທີ່ເຮົາໃຊ້ໆກັນ ບາງຄັ້ງອາດຈັບໂຕເປັນກ້ອນເພາະຄວາມຊຸ່ມ ແຕ່ຫາກເຮົາໃສ່ເຂົ້າສານລົງໄປຈະຊ່ວຍເຮັດໃຫ້ບໍ່ເກີດການຈັບໂຕຂອງເກືອ
6.ບົ່ມໝາກໄມ້ໃຫ້ສຸກໄວຂື້ນ
ເທເຂົ້າສານລົງໃນຊາມ ຈາກນັ້ນນຳໝາກໄມ້ທີ່ຕ້ອງການບົ່ມໃສ່ລົງໄປໃນເຂົ້າສານ ເຂົ້າສານຈະເປັນໂຕຊ່ວຍດັກຈັບເອທິລິນແລະເຮັດໃຫ້ໝາກໄມ້ສຸກໄວຍິ່ງຂື້ນ
7.ທົດສອບອຸນຫະພູມນ້ຳມັນ
ຫາກທ່ານຕ້ອງການຈະທອດຫຍັງຈັກຢ່າງ ລອງທົດສອບຄວາມຮ້ອນຂອງນ້ຳມັນດ້ວຍການຖິ້ມເຂົ້າສານລົງໃນໝໍ້ ຫາກເຂົ້າສານລອຍໂຕຂື້ນສະແດງວ່ານ້ຳມັນຮ້ອນໃຊ້ໄດ້ແລ້ວ
8. ທົດລອງເຫັດຕາຍເບື່ອ
ຫາກທ່ານຊື້ເຫດທຳມະຊາດມາກິນ ແລະບໍ່ແນ່ໃຈວ່າເຫັດເບື່ອຫຼືບໍ່ ເວລາປຸງອາຫານໃຫ້ກຳເຂົ້າສານລົງໄປ ຫາກເຂົ້າສານປ່ຽນສີເປັນສີແດງ, ສີດຳ ຫຼືສີມ້ວງ ສະແດງວ່າເຫັດເບື່ອ ບໍ່ສາມາດຮັບປະທານໄດ້.
9. ຢາງໝາກມີ້ຕິດມີດ
ມີດທີ່ຕິດຢາງໝາກມີ້ ຫຼືຢາງໝາກໄມ້ຂະນິດອື່ນ ຈະລ້າງອອກຍາກທີ່ສຸດ ລອງໃຊ້ເຂົ້າສານຖູອອກ ມີດຈະສະອາດດີ
10. ແກງເຄັມ
ຫາກແກງຂອງທ່ານເຄັມເກີນໄປ ໃຫ້ເອົາເຂົ້າສານຫໍ່ໃສ່ແພຂາວ ແລ້ວຖິ້ມລົງໃນໝໍ້ແກງທີ່ກຳລັງຟົດ ເຂົ້າສານຈະຊ່ວຍດູດຄວາມເຄັມໄດ້ດີ.
ຂໍ້ມູນຈາກ:ວາລະສານ ມະຫາຊົນ
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!