ລາຍການ ແມ໋ກມວຍໄທ ວັນອາທິດ ທີ 4 ກັນຍາ 2016 ນີ້, ເສືອໃຫຍ່ ສໍຄຸນລາວົງ ນັກມວຍ ລາວ ຈະຂື້ນຊົກກັບ ບຸນມາກ ເພັດອາສິຣະ ນັກມວຍຊາວໄທ ໃນຮຸ່ນ ນໍ້າໜັກ 62 ກິໂລ, ຊົກເປັນຄູ່ທີ 6 ທີ່ສະໜາມມວຍ ແມ໋ກສະເຕດ່ຽມ ພັດທະຢາ, ຊ່ອງ 8 ຖ່າຍທອດສົດ ເວລາ 19 ໂມງ 20 ນາທີ ເປັນຕົ້ນໄປ.
ບຸນມາກ ເພັດອາສິຣະ ນັກຊົກຍອດນິຍົມ ຂອງແຟນມວຍ ຊາວໄທ, ເປັນມວຍປະເພດ ອາວຸດຮຸນແຮງ, ໂດຍສະເພາະແມ່ນ ການນຳໃຊ້ ສອກ ພ້ອມທີ່ຈະນ໋ອກ ຄູ່ຕໍ່ສູ້ໄດ້ ທຸກສະຖານະການ, ແຕ່ ເສືອໃຫຍ່ ສໍຄຸນລາວົງ ກໍ່ບໍ່ໄດ້ເປັນຮອງ ເລື່ອງການອອກອາວຸດ, ເສືອໃຫຍ່ ເປັນມວຍປະເພດ ມັດດີ, ມີປະສົບການ ຜ່ານສັງວຽນ ການຊົກມວຍມາ ຫຼາຍຄັ້ງພໍສົມຄວນ ແລະ ເຄີຍນ໋ອກຄູ່ຕໍ່ສູ້ ດ້ວຍມັດມາແລ້ວ ຫຼາຍຄັ້ງ. ສຳລັບຄັ້ງນີ້ ລອງມາລຸ້ນນຳກັນວ່າ ພາຍໃນ ສາມຍົກ ເສືອໃຫຍ່ ຫຼື ບຸນມາກ ຈະເປັນຜູ້ຊະນະ ໃນລາຍການນີ້.
ຂ່າວຈາກ: http://laosportnews.com/
ຕິດຕາມຂ່າວເສດຖະກິດລາວ ກົດໄລຄ໌ເລີຍ!