ເປີດຕົວຢູ່ ສປ ຈີນ ແລ້ວສຳຮັບຮູບເງົາເລື່ອງ Skiptrace (ຄູ່ໃຫຍ່ສັ່ງມາຟັດ) ຜົນງານການສະແດງຫຼ້າສຸດຂອງ ເສິນຫຼົງ ເປີດສາຍພຽງ 4 ມື້ສ້າງລາຍ ໄດ້ເຖິງ 55 ລ້ານໂດລາສະຫະລັດ.
ຮູບເງົາເລົ່າເລື່ອງຂອງເບນນີຊານ (ເສິນຫຼົງ)ສາຍສືບຄົນຮົງກົງ ທີ່ກຳລັງຕາມລ່າຫົວໜ້າແກ້ງມາເຟຍນາມວ່າ ວິກເຕີ ຫວ່ອງ (ວິນສະຕັນສເຊົາ) ມາດົນກວ່າທົດສະວັດ ເມື່ອຫຼານສາວຂອງເຂົາຊາແມນທາ (ຟ່ານປິງປິງ) ຕ້ອງໄປພົວພັນ ກັບມາເຟຍ ຊຶ່ງຄົນທີ່ມີຫຼັກຖານມັດຕົວ ເຈົ້າພໍ່ໄດ້ນັ້ນຄື ພະນັນຄົນອາເມລິກາຄອນ ເນີ ວັດ(ຈອນນີນ໊ອກຊວິລ) ແຕ່ພັດຖືກມາເຟຍຈັບຕົວໄປຣັດເຊຍ ດັ່ງນັ້ນເບນນີ ຈິ່ງໄປຊ່ວຍເຫຼືອຄອນເນີ ເພື່ອເປັນພະຍານນຳເອົາວິກເຕີມາລົງໂທດ ແລະຊ່ວຍເຫຼືອຊາແມນທາໃຫ້ໄດ້. ຊຶ່ງຮູບເງົາເລື່ອງນີ້ເປັນຜົນງານ ອັນດັບທີ 130 ແລະສ້າງຂຶ້ນເພື່ອສະຫຼອງຄົບຮອບ 50 ປີ ໃນວົງການຮູບເງົາຂອງເສິນຫຼົງຮູບເງົາເລື່ອງນີ້ໃຊ້ທຶນສ້າງ 30 ລ້ານໂດລາ ແລະຖ່າຍທຳຕັ້ງແຕ່ຣັດເຊຍໄປຮອດມົງໂກນໄປຈົນເຖິງຮົງກົງ, ມາເກົາກຳກັບ ໂດຍ ເຣນນີ ຮາຣລິນ ຜູ້ກຳກັບຮູບເງົາທີ່ມີສີມື.