ໂດຍປົກກະຕິແລ້ວຊຽນໄກ່ຕີມັກຈະຫວງສາຍພັນຂອງພໍ່ພັນ-ແມ່ພັນໄກ່ ເພາະຖືກັນວ່າສາຍເລືອດຂອງແມ່ພັນ-ພໍ່ພັນທີ່ດີຈະໄດ້ລູກໄກ່ສາຍພັນທີ່ດີເຊັ່ນກັນ ວິທີຈະຫາພໍ່ພັນໃຫ້ໄດ້ໄກ່ເກັ່ງ ທ່ານຕ້ອງໝັ່ນໄປສະຖານທີ່ສັງວຽນໄກ່ເລື່ອຍໆ ແລະ ເບິ່ງວ່າໄກ່ໂຕໃດທີ່ເກັ່ງ ຄື: ຕີເກັ່ງ, ຊັ້ນເຊີງດີ, ໃຈທໍລະຫົດ, ອົດທົນ ບໍ່ໜີງ່າຍ ຖ້າໄກ່ມີຄຸນສົມບັດດັ່ງກ່າວນີ້ ເວລາຕີແລ້ວຊະນະ ຫຼື ຕີເສຍ ຈະຕາບອດ ຫຼື ບໍ່ກໍ່ຕາມ ຄວນເອົາມາເປັນພໍ່ພັນ (ຕາມຕຳລາກ່າວໄວ້ວ່າເອົາໄກ່ທີ່ຕີເສຍມາເປັນພໍ່ພັນໄກ່ມັນຈະໃຫ້ລູກເກັ່ງ) ເມື່ອເວລາທ່ານຊື້ມາລາຄາກໍ່ບໍ່ແພງປານໃດ ເພາະຊຽນໄກ່ເຂົາຈະບໍ່ມັກເກັບຮັກສາໄກ່ທີ່ຕີເສຍໄວ້ ສ່ວນແມ່ພັນກໍ່ຕ້ອງໃຫ້ມີຄຸນສົມບັດຄ້າຍຄືກັບກັບພໍ່ພັນໄກ່ນັ້ນ
ວິທີຄັດເລືອກພໍ່ພັນໄກ່
ໂດຍປົກກະຕິແລ້ວຊຽນນິຍົມຫຼິ້ນໄກ່ຕີມັກຈະເລືອກສີເປັນອັນດັບທຳອິດ ດັ່ງນັ້ນໄກ່ທີ່ຈະນຳມາເປັນພໍ່ພັນແມ່ພັນທ່ານຄວນເລືອກດັ່ງນີ້
- ສີເຫຼືອງຫາງຂາວ
2. ສີປະດູ່ຫາງດຳ ເດືອຍດຳ ເລັບດຳ ປາກດຳ
3. ສີຂຽວສະລັບກັບສີຂາວທັງຕົວ ຫາງຂາວ
![edca2[3182]](http://www.laopost.com/wp-content/uploads/2016/08/edca23182.jpg)
4. ສີຂຽວກາ ຫາງດຳ
ເພາະບູຮານກ່າວໄວ້ວ່າໄກ່ 4 ສີນີ້ ເປັນສີທີ່ນັກລ້ຽງໄກ່ຕີມັນລ້ຽງໄວ້ ເພາະສ່ວນລາຍໄກ່ຈຳພວກນີ້ຈະຕີເກັ່ງ ສ່ວນໄກ່ສີອື່ນໆ ຊຽນໄກ່ຕີບໍ່ນິຍົມລ້ຽງປານໃດ
ຄຸນສົມບັດ ແລະ ລັກສະນະຂອງພໍ່ພັນແມ່ພັນໄກ່ຕີ
ນອກຈາກສີຂອງໄກ່ແລ້ວ ພໍ່ໄກ່ກໍ່ຄວນມີລັກສະນະດັ່ງນີ້:
- ຄວນເປັນໄກ່ທີ່ມີປະຫວັດດີ ເຄີຍຕີຊະນະຈາກບ່ອນອື່ນມາແລ້ວ
- ປາກຕ້ອງໃຫຍ່ ມີຮ່ອງນ້ຳ 2 ຂ້າງປາກເລິກ (ປາກສີດຽວກັບຂາ)
- ຕາປາໝໍຕາຍ ຫຼື ຕາສີຂົນ ສີດຽວກັບສີຂົນແຄບຄໍ
- ຄໍໃຫຍ່ ແລະ ປ້ອງຄໍຖີ່
- ກົກປີກໃຫຍ່ ຂົນປີກຍາວ
- ນິ້ວຕີນນ້ອຍລຽວບາວ
- ແຂ່ງໃຫ່ຍ ແລະ ແຂ່ງກົມ
- ສອຍຄໍຍາວຕິດຕໍ່ກັນເຖິງສອຍຄໍຫຼັງ
- ຫາງຍາວແຂງ ແລະ ເສັ້ນນ້ອຍ
- ກະດູກໜ້າເອິກໃຫຍ່ ແລະ ຍາວ
- ເດືອຍໃຫຍ່ ແລະ ໃກ້ນິ້ວກ້ອຍຫຼາຍທີ່ສຸດ
- ອຸ້ງຕີນບາງ ແລະ ເລັບຍາວ
- ເກັດໜ້າແຂ່ງໃສເໝືອນເລັບຕີນ ແລະ ມີຮ່ອງເລິກ
ທີ່ມາ: https://www.gaichon.com/porpunkai.html
ຕິດຕາມPictpost ຮູບພາບລາວໂພສຕ໌ ກົດໄລຄ໌ເລີຍ!
ifram FBPictpost