ທີມງານວິໄຈຂອງສະຫະລັດອາເມລິກາ ແລະເຢຍລະມັນ ໄດ້ເຜີຍແຜ່ຜົນການສຶກສາໃໝ່ ທີ່ສະແດງໃຫ້ເຫັນຊັດເຈນວ່າ ຜູ້ຍິງທີ່ເປັນໄມເກຣນ ມີຄວາມສ່ຽງສູງທີ່ຈະເສຍຊີວິດກວ່າຄົນປົກກະຕິຈາກອາການຫົວໃຈວາຍ
ທີມວິໄຈໃຊ້ເວລາຕິດຕາມ ກຸ່ມຕົວຢ່າງແມ່ຍິງທີ່ເປັນໄມເກຣນຈຳນວນຫຼາຍກວ່າ 115.000 ຄົນ ອາຍຸລະຫວ່າງ 25-42 ປີ ເປັນເວລາ 10 ປີ ໂດຍຜົນການຕິດຕາມພົບວ່າ ຜູ້ທີ່ມີອາການເປັນ ໄມເກຣນ ຫຼືເຈັບຫົວຕະຫຼອດ ຕັ້ງແຕ່ລະດັບປານກາງ ຈົນຮອດລະດັບຮຸນແຮງມີແນວໂນ້ມຫຼາຍກວ່າ 50% ທີ່ຈະເສຍຊີວິດໃນຊ່ວງເວລາດັ່ງກ່າວ ໂດຍຄົນເປັນໄມເກຣນ ຈະມີພະຍາດຫົວໃຈ ແລະຫຼອດເລືອດ ແລະມີໂອກາດທີ່ຈະເສຍຊີວິດໄວກວ່າຄົນປົກກະຕິ
ຜົນການລາຍງານຖືວ່າ ເປັນລາຍງານທໍາອິດທີ່ຖືວ່າ ໄມເກຣນ ກໍ່ໃຫ້ເກີດພະຍາດຫົວໃຈ ແລະຫຼອດເລືອແລ້ວເສຍຊີວິດໄດ້ໂດຍກົງ, ເຮັດໃຫ້ທີມແພດຊີ້ວ່າ ພາວະໄມເກຣນ ຄວນຈະນໍາໄປໃຊ້ເປັນເຄື່ອງບົ່ງບອກເຖິງຄວາມສ່ຽງພະຍາດຫົວໃຈ ແລະຫຼອດເລືອດ ຢ່າງໜ້ອຍນໍາຜູ້ຍິງ. ແນວໃດກໍຕາມ ແພດຄົນນີ້ເຊື່ອວ່າຜົນການວິໄຈຄັ້ງນີ້ສາມາດນໍາໄປໃຊ້ກັບຜູ້ຊາຍໄດ້ໃນທຳນອງດຽວກັນ
ທີມງານວິໄຈຍັງໄດ້ບອກວ່າ ເນື່ອງຈາກມີຜູ້ເປັນໄມເກຣນເປັນຈໍານວນຫຼວງຫຼາຍ ຈຶ່ງເປັນຄວາມຈໍາເປັນຢ່າງຮີບດ່ວນ ໃນການເຮັດຄວາມເຂົ້າໃຈກັບພະຍາດນີ້ ລວມຮອດການຄົ້ນຄວ້າວິໄຈ ເພື່ອຫາແນວທາງປ້ອງກັນ
ທີ່ມາ: yaklai
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ