ກອງປະຊຸມລັດຖະມົນຕີວັດທະນະທຳອາຊຽນ ຄັ້ງທີ 7 (AMCA-7) ໄດ້ໄຂຂຶ້ນຢ່າງເປັນທາງການ ໃນຕອນບ່າຍຂອງວັນທີ 24/8/2016 ທີ່ນະຄອນຫລວງ ບັນດາເສຣີເບກາວັນ, ບຣູໄນດາຣູຊາລາມ ໂດຍການເຂົ້າຮ່ວມຂອງ ບັນດາລັດຖະມົນຕີວັດທະນະທຳ 10 ປະເທດສະມາຊິກອາຊຽນ ແລະ ກອງເລຂາອາຊຽນ.

ຄະນະຜູ້ແທນ ສປປ ລາວ ນຳໂດຍທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍເຈົ້າໜ້າທີ່ອາວຸໂສ  ດ້ານວັດທະນະທຳລາວ ເຂົ້າຮ່ວມ. ຜົນສຳເລັດຂອງ ຄະນະຜູ້ແທນລາວ ໃນກອງປະຊຸມ AMCA-7 ທີ່ບຣູນາຍ ຄັ້ງນີ້ໄດ້ຜ່ານເອກະສານທີ່ສຳຄັນທີ່ສຸດ ສຳລັບວຽກງານວັດທະນະທຳອາຊຽນ ​ເຊິ່ງສະເໜີໂດຍ ສປປ ລາວ ຄື: Vientiane Declaration on Reinforcing Cultural Heritage Cooperation in ASEAN ​ເຊິ່ງຈາກນີ້ ກໍຈະນຳໄປຮັບຮອງເອົາຢູ່ທີ່ກອງປະຊຸມສຸດຍອດອາຊຽນ (ASEAN Summit) ທີ່ ສປປ ລາວ ຈະເປັນເຈົ້າພາບທີ່ວຽງຈັນ, ໃນເດືອນກັນຍາ, 2016 ທີ່ຈະເຖິງນີ້.

ແຫລ່ງຂ່າວ:

ຕິດຕາມເຮົາທາງFacebook ກົດຖືກໃຈເລີຍ!