spot_img
Homeຂ່າວພາຍ​ໃນອາດມີການຕັດ ສັນຍານເຟສບຸກໃນລາວ

ອາດມີການຕັດ ສັນຍານເຟສບຸກໃນລາວ

Published on

image001

ແຫຼ່ງຂ່າວ ລາວໂພສຕ໌ ຈາກສຳນັກງານແຫ່ງໜຶ່ງລາຍງານວ່າ: ຕາມ​ຂໍ້​ມູນ​ໃນ​ວັນທີ 2 ພຶດ­ສະ­ພາ 2014 ຢູ່ ສປປ ລາວ ມີ​ຄົນ​ລາວ​ນຳໃຊ້​ເຟດ​ບຸ​ກລວມ​ແລ້ວ​ທັງ​ໝົດ 530.000 ກວ່າ​ຄົນ ທຽບ­ໃສ່ 2 ປີ​ກ່ອນ ໄດ້​ເພີ່ມຂຶ້ນ 260% ທີ່​ມີ​ພຽງ​ປະ­ມານ 2 ແສນຄົນ​ເທົ່າ​ນັ້ນ ແລະມາ​ຮອດ​ປະ­ຈຸ​ບັນ​ຄາດ ວ່າ​ຕົວ​ເລກ​ການ​ນຳ​ໃຊ້​ອາດ​ມີ​ຫຼາຍ​ເພີ່ມຂຶ້ນ​ອີກ, ທ່ານ​ລັດ­ຖະ­ມົນ­ຕີ​ວ່າ­ການ​ກະຊວງ​ໄປ­ສະ­ນີ​ໂທລະ​ຄົມ­ມະ­ນາ­ຄົມ ແລະການ​ສື່­ສານ​ກ່າວ.

ທ່ານ ຫຽມ ພົມ­ມະ­ຈັນ ລັດ­ຖະ­ມົນ­ຕີ​ວ່າ­ການ​ກະ­ຊວງ​ໄປ­ສະ­ນີ​ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ເຫັນ​ວ່າ: ເຟດ​ບຸກ​ປຽບ​ເໝືອນ​ມີດ​ສອງ​ຄົມ​ອັນ​ທຳອິດ​ແມ່ນ​ຈະ​ໃຫ້​ປະ­ໂຫຍດ​ໃນ​ການ​ນຳໃຊ້​ເພື່ອ​ເປັນ​ເວ­ທີ​ແລກ­ປ່ຽນ​ຄວາມ​ຄິດເຫັນ, ຄວາມ​ຮູ້​ຄວາມ​ສາ­ມາດ ແລະໂຄສະ​ນາ​ປະ­ຊາ­ສຳ­ພັນ​ລະ­ຫວ່າງ​ບຸກ­ຄົນ​ຫາບຸກ­ຄົນ​ນັກ­ທຸ­ລະ­ກິດ​ດ້ວຍ​ກັນ​ກ່ຽວ​ກັບວຽກ​ງານ​ການ​ຄ້າ­ຂາຍແຕ່​ໄປ​ຄຽງ​ຄູ່ກັນ​ນັ້ນ​ອັນ​ຮອງ​ມາ​ແມ່ນ​ເປັນ​ຊ່ອງ​ທາງເຜີຍ­ແຜ່​ຂໍ້​ມູນ​ທີ່​ເປັນ​ໄພ​ສ້າງ​ຄວາມ​ວຸ້ນວາຍ​ໃຫ້​ແກ່​ສັງ­ຄົມ ແລະ ສ່ວນ​ລວມ​ກໍ​ຄືລັດ­ຖະ­ບານຂະ­ນະ​ທີ່​ເວບ​ດັ່ງ­ກ່າວ​ຫຼາຍປະ­ເທດ​ໃນ​ໂລກ​ກໍ​ໄດ້​ຕັດ​ການ​ໃຊ້​ງານແບບ​ຖາ­ວອນ.

ແນວ­ໃດ​ກໍ​ດີເພື່ອ​ປະ­ຕິ­ບັດ​ຕາມ​ແນວທາງ​ນະ­ໂຍ­ບາຍ​ຫັນ​ເປັນ​ອຸດ­ສາ­ຫະ­ກຳ​ທີ່ທັນ​ສະ­ໄໝ​ກໍ​ຄື​ການ​ເປີດ​ປະ­ຕູ​ເຊື່ອມ​ໂຍງກັບ​ໂລກ​ພາຍ​ນອກ ສຳ­ລັບ ສປປ ລາວຈິ່ງ​ເຫັນ​ວ່າ​ຈະ​ສະ­ກັດ​ກັ້ນ​ບາງ​ຂໍ້​ມູນ ຫຼືບັນ­ຊີ​ທີ່​ເປັນ​ໄພ​ສ້າງ​ຄວາມ​ເສື່ອມ​ເສຍແກ່​ບຸກ­ຄົນ, ສັງ­ຄົມ ແລະປະ­ເທດ​ຊາດ ເທົ່າ​ນັ້ນ​ຈະ​ບໍ່​ຕັດ​ໝົດ ຊຶ່ງ​ປະ­ຈຸ​ບັນ​ເຈົ້າ​ໜ້າທີ່​ກ່ຽວ­ຂ້ອງ​ກຳ­ລັງ​ລິ​ເລີ່ມ​ຈັດ​ຕັ້ງ​ປະ­ຕິ­ບັດໂດຍ​ມີ​ນິ­ຕິ​ກຳ​ທີ່​ອີງ­ໃສ່​ລັດ​ຖະ​ທຳ​ມະ­ນູນ, ກົດ­ໝາຍ​ວ່າ​ດ້ວຍ​ອາ­ຍາ​ໄວ້​ຄຸ້ມ​ຄອງ.

 

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...