ວັນນີ້ເຮົາຈະມາເວົ້າ ກ່ຽວກັບເລື່ອງຂອງເວນກຳ ສຳລັບຄົນທີ່ຄ້າຂາຍ ຫຼື ເຮັດທຸລະກິດມັກຂາດທຶນ ບໍ່ຄ່ອຍມີຄົນສະໜັບສະໜູນ ເຖິງແມ່ນວ່າຈະໃຊ້ຫຼັກການຕະຫຼາດມາເຂົ້າຊ່ວຍແລ້ວກໍ່ຕາມ ມັນຍັງຂາດທຶນໄປບໍ່ຫຼອດຢູ່ ຫຼື ຄົນທີ່ຕັ້ງໃຈເຮັດວຽກຢ່າງຫ້າວຫັນ ປະຕິບັດໜ້າທີ່ທີ່ໄດ້ຮັບມອບໝາຍສຳເລັດຕະຫຼອດ ແຕ່ກັບບໍ່ໄດ້ຮັບຜົນງານທີ່ຄວນຈະໄດ້ ບໍ່ມີຄວາມກ້າວໜ້າໃນວຽກງານຄືກັບຄົນອື່ນ ເຮັດວຽກໜັກໄດ້ເງິນໜ້ອຍ ເຮັດດີພຽງໃດກໍ່ຍັງບໍ່ວ່າດີ ແຖມຍັງຖືກຕຳນິຫຼາຍກວ່າຄຳຍ້ອງຍໍອີກຊ້ຳ ມັນເປັນຍ້ອນຫຍັງ ເຊື່ອວ່າຫຼາຍຄົນເຄີຍຕັ້ງຄຳຖາມນີ້?…ເປັນຍ້ອນເວນກຳແຕ່ຊາດທີ່ແລ້ວ ຫຼື ບໍ່?…ໜ້າຄິດ

ແອັດມິນໄດ້ໄປອ່ານພົບທີ່ເວັບໄຊໜຶ່ງຊື່ວ່າ www.dek-d.com ໃນຫົວບົດ “ການຫຼຸດເວນກຳ 45 ຢ່າງ” ມັນເປັນຫົວບົດທີ່ໜ້າສົນໃຈ ເລີຍນຳມາຝາກແຟນເພສ ຈັກໜຶ່ງຫົວຂໍ້ ເຊິ່ງເວົ້າກ່ຽວກັບ ຄ້າຂາຍຂາດທຶນ ເຮັດວຽກບໍ່ມີຄວາມກ້າວຈະເລີນກ້າວໜ້າ ເກີດຈາກເວນກຳຫຍັງ ແລະ ຈະຫຼຸດເວນກຳນີ້ແນວໃດມາຝາກກັນ ແຕ່ຂໍບອກວ່າ ເລື່ອງແບບນີ້ເປັນຄວາມເຊື່ອສ່ວນບຸກຄົນ ຫາກຜູ້ບໍ່ເຊື່ອກໍ່ບໍ່ຄວນລົບລູ່ ໃຫ້ອ່ານເປັນສິ່ງບັນເທີງເທົ່ານັ້ນ

ຄົນປະເພດນີ້ມີເວນກຳມາຈາກ: ເຄີຍລົບຫລູ່ເຈົ້າທີ່ເຈົ້າທາງ

ວິທີຫຼຸດກຳ: ຕັ້ງໝັ້ນໃນສິນ 5, ໝັ່ນເຮັດບຸນໃສ່ບາດ, ຖວາຍສັງຂະທານ, ບູຊາເຈົ້າທີ່ເຈົ້າທາງ ໝັ່ນສວດມົນບົດຄາຖາພຣະຊິນນະບັນຊອນ

ເມື່ອອ່ານຈົບແລ້ວກໍ່ຄິດພິຈາລະນາເບິ່ງ ວ່າມັນແມ່ນ ຫຼື ບໍ່ ຖ້າບໍ່ແມ່ນກໍ່ແລ້ວໄປ ຢ່າຄິດຫຼາຍ ເອົາເປັນວ່າເຮົາຈົ່ງເຊື່ອໝັ້ນໃນການເຮັດດີຂອງຕົນເອງ ເພາະເຖິງເຮັດດີແລ້ວເຮົາຍັງບໍ່ໄດ້ດີຄືເພິ່ນ ແຕ່ຢ່າງໜ້ອຍເຮົາກໍ່ບໍ່ໄດ້ເຮັດໃຫ້ຕົວເຮົາ ແລະ ຄົນອື່ນເດືອດຮ້ອນ ຂໍໃຫ້ທຸກຄົນໂຊກດີ

ທີ່ມາຈາກ: http://www.dek-d.com/