ສຳນັກຂ່າວຕ່າງປະເທດ ລາຍງານໃນວັນທີ 23 ສິງຫາຜ່ານມານີ້ວ່າ ລັດຖະມົນຕີກະຊວງສິ່ງແວດລ້ອມຫວຽດນາມ ໄດ້ອອກມາລະບຸ ຊາຍຫາດສ່ວນໃຫຍ່ໃນ 4 ແຂວງພາກກາງຂອງປະເທດ ສາມາດລົງຫລິ້ນນ້ຳທະເລໄດ້ແລ້ວຢ່າງປອດໄພ ຫລັງຈາກທີ່ເກີດເຫດປາຕາຍ ຈຳນວນມະຫາສານ ເນື່ອງຈາກສານເຄມີທີ່ຖືກປ່ອຍອອກ ຈາກໂຮງງານເຫລັກຂອງ ບໍລິສັດ ຟໍໂມຊາ ພລາສຕິກ ກຣຸບ ຊຶ່ງເປັນບໍລິສັດລົງທຶນຂອງໄຕ້ຫວັນຢູ່ຫວຽດນາມ ເມື່ອເດືອນເມສາທີ່ຜ່ານມາ.
ທັງນີ້ ໂຮງງານດັ່ງກ່າວ ໄດ້ອອກມາຍອມຮັບ ເປັນຜູ້ຮັບຜິດຊອບຕໍ່ມົນລະພິດທີ່ເກີດຂຶ້ນ ຊຶ່ງເຮັດໃຫ້ປາຕາຍຈຳນວນມະຫາສານ ນອກຊາຍຝັ່ງຂອງຫວຽດນາມ ໂດຍໄດ້ໃຫ້ຄຳໝັ້ນສັນຍາວ່າ ຈະຈ່າຍເງິນຊົດເຊີຍ ຈຳນວນ 500 ລ້ານໂດລາ ເພື່ອທຳຄວາມສະອາດ ແລະ ຊົດເຊີຍແກ່ຜູ້ໄດ້ຮັບຜົນກະທົບ.
ຕິດຕາມເຮົາທາງFacebook ກົດຖືກໃຈເລີຍ!