spot_img
Homeຂ່າວທ້ອງຖິ່ນນ້ຳຖ້ວມຢູ່ແຂວງຫລວງພະບາງ ກະທົບໜັກຫລາຍຮ້ອຍຄອບຄົວ ຮຽກຮ້ອງທົ່ວສັງຄົມ ໃຫ້ການຊ່ວຍເຫລືອ!

ນ້ຳຖ້ວມຢູ່ແຂວງຫລວງພະບາງ ກະທົບໜັກຫລາຍຮ້ອຍຄອບຄົວ ຮຽກຮ້ອງທົ່ວສັງຄົມ ໃຫ້ການຊ່ວຍເຫລືອ!

Published on

ຂປລ. ​ໃນ​ອາທິດ​ຜ່ານ​ມາ ​ໄດ້​​ເກີດມີ​ຝົນຕົກ​ໜັກຕິດ​ຕໍ່​ກັນ​ຫລາຍ​ວັນ ສົ່ງ​ຜົນ​ເຮັດ​ໃຫ້​ແມ່​ນ້ຳ​ສາຍ​ຕ່າງໆ ຍຶ່ງຂຶ້ນ​ສູງກາຍ​ເຂດ​ລະວັງ​ໄພ​ ໄຫລ​ເຂົ້າ​ຖ້ວມບ້ານ​ເຮືອນ ​ແລະ ​ເນື້ອ​ທີ່ທຳ​ການ​ຜະລິດຂອງ​ປະຊາຊົນ ຢູ່​ແຂວງ​ຫລວງ​ພະ​ບາງ ​​ເສຍ​ຫາຍເປັນ​ບໍລິ​ເວນ​ກວ້າງ ​ເປັນ​ຕົ້ນ ຢູ່​ເມືອງ​ຊຽງ​ເງິນ, ​ເມືອງ​ໂພນ​ໄຊ ​ແລະ ​ເມືອງ​ປາກ​​ແຊງ ມາ​ຮອດ​ປັດຈຸບັນ ລະດັບ​ນ້ຳ​​ໄດ້ຫລຸດ​ລົງ​ສູ່​ສະພາບ​ປົກກະຕິ​ແລ້ວ, ແຕ່ກໍຍັງມີບາງເຂດ ທີ່ຈະຕ້ອງໄດ້ເຝົ້າລະວັງ ​ເນື່ອງ​ຈາກ​ວ່າ​ຝົນ​ຍັງ​ສືບ​ຕໍ່​ຕົກ​ຢູ່​, ສ່ວນ​ມູນ​ຄ່າ​ຜົນ​ເສຍ​ຫາຍ ພາກສ່ວນ​ກ່ຽວຂ້ອງ ພວມ​ລົງ​​ເກັບ​ກຳ​ຂໍ້​ມູນ​ຕົວ​ຈິງ.

ອີງຕາມ​ການ​ລາຍ​ງານ​ຂອງ ​ເຈົ້າ​ໜ້າ​ທີ່​ກ່ຽວຂ້ອງ ​ແຂວງ​ຫລວງ​ພະ​ບາງ ​ໃຫ້​ຮູ້​ວ່າ: ​ໃນ​ລະຫວ່າງ ​ວັນ​ທີ 19-20 ສິງຫາ​ນີ້, ຝົນ​ໄດ້​ຕົກ​ຕິດ​ຕໍ່​ກັນ​ຫລາຍ​ວັນ ​ເຮັດ​ໃຫ້​ແມ່​ນໍ້າສາຍ​ຕ່າງໆຍຶ່ງຂຶ້ນ​ຖ້ວມ​ບ້ານ​ເຮືອ​ນ ​ແລະ ​ເນື້ອ​ທີ່​ທຳ​ການ​ຜະລິດຂອງ​ປະຊາຊົນ ຢູ່​ແຂວງ​ຫລວງ​ພະ​ບາງ​ ​ເສຍ​ຫາຍ​ເປັນ​ບໍລິ​ເວນ​ກວ້າງ ​ເປັນ​ຕົ້ນເມືອງປາກແຊງ ໄດ້ຮັບຜົນກະທົບຈາກໄພນ້ຳຖ້ວມຄັ້ງໃຫ່ຍ ໃນຮອບຫລາຍປີ ນ້ຳ​ໄດ້ຍື່ງຂຶ້ນຖ້ວມບ້ານເຮືອນຂອງປະຊາຊົນ ໃນ 15 ບ້ານ, ມີ 108 ຄອບຄົວ, ສັດລ້ຽງ ແລະ ຜົນຜະລິດຂອງປະຊາຊົນ ເສຍຫາຍເປັນຈຳນວນຫລາຍ, ເສັ້ນທາງຖືກຕັດຂາດ 3 ເສັ້ນ, ໂດຍສະເພາະແມ່ນເສັ້ນທາງເຊື່ອມຕໍ່ ຫາເມືອງວຽງຄຳ ແລະ ເສັ້ນທາງເຂົ້າຫາບ້ານປະຊາຊົນ. ຕາມການເກັບກຳຂໍ້ມູນເບື້ອງຕົ້ນ ມູນຄ່າເສຍຫາຍ ປະມານ  2 ຕື້ກ່ວາກີບ. ສ່ວນ​ຢູ່​ເມືອງໂພນໄຊ ນ້ຳ​ໄດ້ຍຶ່ງຂຶ້ນ​ຖ້ວມບ້ານເຮືອນຂອງປະຊາຊົນ ໃນ 7 ກຸ່ມບ້ານພັດທະນາ ແລະ 1 ບ້ານໃຫ່ຍ ຈຳນວນ 166 ຄອບຄົວ, ໃນນີ້ ມີເຮືອນທີ່ຖືກນ້ຳຊຸໄຫລ ຈຳນວນ 10 ຫລັງຄາເຮືອນ, ພື້ນຖານໂຄງລ່າງທີ່ຈໍາເປັນ ໄດ້ຮັບຜົນເສຍຫາຍ ເຊັ່ນ: ລະບົບໄຟຟ້າ, ນ້ຳປະປາ, ນ້ຳລີນ, ເສັ້ນທາງຫລາຍຈຸດ ຖືກຕັດຂາດ, ປະຊາຊົນຫລາຍຄອບຄົວ ຂາດນ້ຳກິນ, ນ້ຳໃຊ້, ສະບຽງອາຫານ, ເຄື່ອງນຸ່ງຫົ່ມ, ເຄື່ອງໃຊ້ທີ່ຈຳເປັນ ​ແລະ ອື່ນໆ. ນອກ​ນັ້ນ, ຢູ່​ເມືອງ​ຊຽງ​ເງິນ ກໍ​ໄດ້​ຮັບ​ຜົນ​ກະທົບ​ເຊັ່ນ​ດຽວ​ກັນ ປະຊາຊົນ​ທີ່​ໄດ້​ຮັບ​ຜົນ​ກະທົບ ພວມ​ໄດ້​ຮັບ​ການ​ຊ່ວຍ​ເຫລືອ ​ໃນ​ເບື້ອງ​ຕົ້ນ ສ່ວນ​ມູນ​ຄ່າ​ຜົນ​ເສຍ​ຫາຍ ພາກສ່ວນ​ກ່ຽວຂ້ອງ ພວມ​ດຳ​ເນີນ​ການ​ເກັບ​ກຳ​ຂໍ້​ມູນ.

ຕໍ່ກັບສະພາບການດັ່ງກ່າວ, ການນຳ​ແຂວງ ໄດ້ຊີ້ນຳໃຫ້ພາກສ່ວນກ່ຽວຂ້ອງບັນດາເມືອງ ລົງເກັບກຳຂໍ້ມູນລະອຽດ ຢູ່ບັນດາບ້ານທີ່ຖືກຜົນກະທົບ, ປຸກລະດົມ ທຸກພາກສ່ວນ​ໃນ​ສັງຄົມ ເພື່ອໃຫ້ການຊ່ວຍເຫລືອ, ໂດຍສະເພາະແມ່ນພາກສ່ວນກ່ຽວຂ້ອງ ຂອງແຂວງ ແລະ ສູນກາງ ລວມທັງບັນດາຫົວໜ່ວຍທຸລະກິດ ຈົ່ງພ້ອມກັນໃຫ້ການຊ່ວຍເຫລືອແກ່ປະຊາຊົນ ທີ່ຖືກຜົນກະທົບໃຫ້​ກັບ​ຄືນ​ສູ່​ສະພາບ​ປົກກະຕິ​ໂດຍ​ໄວ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...