ສຳນັກຂ່າວຕ່າງປະເທດ ລາຍງານໃນວັນທີ 22 ສິງຫານີ້ວ່າ ໃນຕອນຄ່ຳຂອງວັນທີ 20 ສິງຫາ 2016 ຕາມເວລາໃນທ້ອງຖິ່ນ ໄດ້ເກີດເຫດລະເບີດຂ້າຕົວຕາຍ ໃສ່ງານແຕ່ງດອງຊາວເຄີດ ຢູ່ເມືອງກາຊຽນເຕບ ປະເທດຕວກກີ ສົ່ງຜົນເຮັດໃຫ້ຜູ້ເຂົ້າຮ່ວມງານດັ່ງກ່າວ ເສຍຊີວິດຢ່າງໜ້ອຍ 50 ຄົນ ແລະ ມີຜູ້ໄດ້ຮັບບາດເຈັບອີກ ປະມານ 94 ຄົນ.
ດ້ານທ່ານ ເຣເຊບ ເຕຢິບ ເອີໂດກັນ ປະທານາທິບໍດີຕວກກີ ໄດ້ອອກມາລະບຸວ່າ ກຸ່ມໄອເອັສ ອາດເປັນຜູ້ຢູ່ເບື້ອງຫລັງ ເຫດລະເບີດຂ້າຕົວຕາຍດັ່ງກ່າວນີ້ ໂດຍແນໃສ່ໂຈມຕີງານແຕ່ງດອງ ທີ່ມີຊາວເຄີດເຂົ້າຮ່ວມ ເປັນຈຳນວນຫລາຍ.
ຕິດຕາມເຮົາທາງFacebook ກົດຖືກໃຈເລີຍ!