ວັນນີ້ເຮົາຈະມາເອົາໃຈຄົນທີ່ນອນບໍ່ຫລັບ ນອນຫລັບຍາກ ດ້ວຍການຊອກຫາວິທີການນອນຫລັບງ່າຍມາຝາກກັນ ຈັ່ງໃດກໍ່ຕ້ອງລອງເບິ່ງເດີ້ ແອັດມິນກໍ່ເປັນຄົນໜຶ່ງທີ່ນອນຫລັບຍາກຄືກັນ ບາງເທື່ອຈົນຍາກຮ້າຍ ເພາະເຮັດຈັ່ງໃດກໍ່ບໍ່ຫຼັບ ຄິດວ່າຄືນນີ້ສິໄປລອງເຮັດເບິ່ງ ແຕ່ຕອນນີ້ເຮົາມາອ່ານກັນກ່ອນວ່າມັນເຮັດແນວໃດ

1. ສິ່ງທຳອິດ ແມ່ນນອນລົງຕຽງ ແລ້ວກາງແຂນ-ຂາທັງສອງອອກ ປ່ອຍໃຈ ແລະ ກາຍໃຫ້ສະບາຍ ຜ່ອຍຄາຍໄວ້

2. ລັບຕາລົງ ກຳນົດຈິດໃຫ້ຢູ່ທີ່ກາງລະຫວ່າງຄິ້ວ ແລ້ວທ່ອງຂຶ້ນໃຈວ່າ “ສະໝອງຜ່ອຍຄາຍ” ເຮັດໂຕແບບສະບາຍສະບາຍ

3. ຫຼັງຈາກນັ້ນກໍ່ກຳນົດຈິດທີ່ມືຂ້າງຂວາແລ້ວທ່ອງໃນໃຈວ່າ ມືຂວາຂອງຂ້ອຍຜ່ອນຄາຍ

4. ປ່ຽນໄປກຳນົດຈິດທີ່ມືຊ້າຍ ແລ້ວທ່ອງໃນໃຈວ່າ ມືຊ້າຍຂອງຂ້ອຍຜ່ອຍຄາຍ

5. ຂັ້ນຕອນຕໍ່ມາ ກໍ່ປ່ຽນຈາກມືລົງໄປທີ່ຕີນ ແລ້ວທ່ອງວ່າ ຕີນຂວາຂອງຂ້ອຍຜ່ອນຄາຍ ຈາກນັ້ນກໍ່ປ່ຽນໄປທີ່ຕີນຊ້າຍ ແລ້ວ ທ່ອງຂຶ້ນໃຈວ່າ ຕີນຊ້າຍຂອງຂ້ອຍຜ່ອນຄາຍ

6. ຫຼັງຈາກກຳນົດຈິດຄົບ 4 ຈຸດໃນຮ່າງກາຍແລ້ວ ໃຫ້ເລີ່ມກຳນົດຈິດທີ່ລະຫວ່າງຄິ້ວ ອີກຄັ້ງວົນຢູ່ແບບນີ້ເລື່ອງໆ ຈົນກວ່າຈະລັບ

ການເຮັດແບບນີ້ເໝືອນເປັນການບອກສ່ວນຕ່າງໆຂອງຮ່າງກາຍເຮົາວ່າຮອດເວລາພັກຜ່ອນແລ້ວ ຫຼັງຈາກທີ່ທຸກສ່ວນມີການຜ່ອນຄາຍ ທ່າຈະສາມາດຫຼັບໄດ້ງ່າຍຂຶ້ນ

ທີ່ມາ:​ http://www.share-si.com/2016/01/3_22.html#
ຕິດຕາມເຮາທາງFacebook ກົດຖືກໃຈເລີຍ!