ທ່ານ ຈອນເລເຈນ ຈາກຜົນງານເພງຊື່ດັງໃນ Billboard 100 ແລະຍັງໄດ້ຮັບລາງວັນ ອອດກາ ສາຂາເພງ ປະກອບທີ່ເດັ່ນ ແລະເທື່ອນີ້ ຈອນເລເຈນ ກັບມາຄວບຄຸມການສະແດງຮູບເງົາຮັກສຸດປະທັບໃຈເລື່ອງ So-uthside With you (ໃຫ້ຮັກ ປ່ຽນໂລກ) ຊຶ່ງຄ່າຍໂມໂນຟີມວາງກຳນົດຈະສາຍໃນວັນທີ 8 ກັນຍານີ້.
“ໃຫ້ຮັກປ່ຽນໂລກ” ເປັນຮູບເງົາທີ່ ເລົ່າເຖິງຄວາມຮັກຄັ້ງທຳອິດລະຫວ່າງ ທ່ານ ບາຣັກໂອບາມາ ກັບ ມິເຊລ ໂຣບິນສັນ, ທີ່ໃນຄັ້ງນັ້ນ ໂອບາມາເປັນພຽງຊາຍໜຸ່ມ ນັກສຶກສາວິຊາກົດໝາຍທີ່ເຝິກງານຢູ່ ສຳນັກງານທະນາຍຄວາມທີ່ ມິເຊວ ເຮັດວຽກຢູ່ ນິໄສທີ່ຄືກັນຂອງທັງຄູ່ ເຮັດໃຫ້ ໂອບາມາ ຂໍນັດໄປທ່ຽວກັບມິເຊລເປັນເທື່ອທຳອິດເລື່ອງລາວຄວາມຮັກຂອງທັງຄູ່ຈຶ່ງເກີດຂຶ້ນ, ນອກຈາກຈະໄດ້ຊົມສາກການໄປທ່ຽວນຳກັນຂອງທັງຄູ່ແລ້ວ ຍັງມີບົດເພງທີ່ຮັບຮອງ ໄດ້ວ່າຕ້ອງປະທັບໃຈບໍ່ຮູ້ລືມ. ຮູບເງົາດັ່ງກ່າວສ້າງໂດຍ ແມທ ແຈັດສັນ ໂດຍມີ ຈອນເລເຈນ ເຮັດໜ້າທີ່ຄວບຄຸມການສະແດງໂດຍ ໂຣເບິດ ໄທເທລ ເປັນຜູ້ກຳກັບ ແລະຂຽນບົດໂດຍ ຣິຊາດ ແທນ ນຳສະແດງໂດຍ ປາກເກີ ຊໍເຢີສ ແລະທິກ້າຊຳເຕີ, ຊຶ່ງກຽມພົບກັບເລື່ອງລາວຂອງໜຸ່ມສາວກ່ອນຈະກາຍເປັນປະທານາທິບໍດີ ແລະ ສະຕີໝາຍເລກ 1 ຂອງອາເມລິກາໄດ້ໃນວັນທີ 8 ກັນຍາທີ່ຈະມາເຖິງນີ້ຢູ່ໂຮງຮູບເງົາ

ທີ່ມາ: ເສດຖະກິດ-ສັງຄົມ
ຕິດຕາມເຮົາທາງFacebook ກົດຖືກໃຈເລີຍ!