ສຳນັກຂ່າວຕ່າງປະເທດລາຍງານຈາກເກາະຮາວາຍ ປະເທດສະຫະລັດອາເມລິກາ ເມື່ອວັນທີ 18 ສິງຫາ 2016ວ່າ ນັກທ່ອງທ່ຽວຫຼາຍພັນຄົນຈາກທົ່ວໂລກພາກັນໄປຊື່ນຊົມຄວາມຕື່ນຕາຕື່ນໃຈ ຂອງລາວາຈາກປ່ອງພູເຂົາໄຟຄິລາເວໃນເກາະໃຫຍ່ຂອງຮາວາຍທີ່ສະຫະລັດ ທີ່ໄຫລລົງສູ່ທະເລເປັນຄັ້ງທຳອິດໃນຮອບ 3 ປີ ເຮັດໃຫ້ເກີດທັດສະນີຍະພາບທີ່ແປກຕາ
ຢ່າງໃດກໍ່ຕາມ ເຈົ້າໜ້າທີ່ອຸທະຍານ ໄດ້ເຕືອນວ່າສະຖານທີ່ແຫ່ງນີ້ຍັງຄົງເຕັມໄປດ້ວຍຄວາມອັນຕະລາຍ ເຊິ່ງນັກທ່ອງທ່ຽວຕ້ອງໃຊ້ຄວາມລະວັງຫຼາຍ ບໍ່ວ່າຈະເປັນຄວາມຮ້ອນຂອງລາວາ ໂດຍນັກປີນເຂົາບໍ່ຄວນເຂົາໃກ້ແລວລາວາໃນເມື່ອໄລຍະທີ່ຮູ້ສຶກເຖິງຄວາມຮ້ອນຜ່ານພື້ນເກີບ ຂະນະທີ່ຫີນລາວາປົກຄຸມທົ່ວບໍລິເວນນັ້ນກໍ່ມີຄວາມຄົມຄືກັບມືດ ນອກຈາກນີ້ເມື່ອລາວາໄຫລລົງສູ່ທະເລຍັງເຮັດປະຕິກິລິຍາກັບນ້ຳເຄັມ ແລະ ເຮັດໃຫ້ເກີດກົດໄຮໂດຣຄລໍຣິດທີ່ເປັນອັນຕະລາຍ ເຊິ່ງມີອາຍລະເຫີຍຂຶ້ນສູ່ອາກາດ
ຂ່າວຈາກ: ເດລີນິວ