ສຳນັກຂ່າວຕ່າງປະເທດ ລາຍງານໃນວັນທີ 16 ສິງຫາຜ່ານມານີ້ວ່າ ມຽນມາກຳລັງປະເຊີນກັບ ໄພນ້ຳຖ້ວມຢ່າງໜັກ ເນື່ອງຈາກພາຍຸມໍລະສຸມພັດຜ່ານປະເທດ ສົ່ງຜົນເຮັດໃຫ້ ຝົນຕົກຢ່າງຕໍ່ເນື່ອງ ເປັນເວລາຫລາຍວັນ ແລະ ແມ່ນ້ຳຫລາຍສາຍ ໄດ້ຍື່ງຂຶ້ນຖ້ວມ ຫລາຍພື້ນທີ່ຂອງປະເທດ, ດ້ານກະຊວງສະຫວັດດີການສັງຄົມ ບັນເທົາທຸກ ແລະ ການຕັ້ງຖິ່ນຖານໃໝ່ ຂອງລັດຖະບານມຽນມາ ໄດ້ອອກມາລະບຸວ່າ ປັດຈຸບັນມີຜູ້ເສຍຊີວິດ ຈາກນ້ຳຖ້ວມແລ້ວ ຢ່າງໜ້ອຍ 8 ຄົນ ແລະ ຍັງກະທົບຕໍ່ຊີວິດການເປັນຢູ່ ຂອງຊາວມຽນມາ ອີກ 400,000 ຄົນ ໃນທົ່ວປະເທດ.
ທັງນີ້ ມຽນມາເປັນປະເທດໜຶ່ງ ທີ່ມີນ້ຳຖ້ວມປະຈຳທຸກປີ ໃນໄລຍະລະດູມໍລະສຸມ ໂດຍຄວາມເສຍຫາຍ ທີ່ເກີດຈາກນ້ຳຖ້ວມໃນປີນີ້ ກຳລັງຖືກຕິດຕາມຢ່າງໃກ້ຊິດ ເນື່ອງຈາກມຽນມາ ກຳລັງຢູ່ໃນໄລຍະຟື້ນຟູ ຜົນເສຍຫາຍຈາກນ້ຳຖ້ວມໜັກ ໃນປີກາຍນີ້.
ຕິດຕາມເຮົາທາງFacebook ກົດຖືກໃຈເລີຍ!