ປັດຈຸບັນວິທະຍາການທາງການແພດຂອງໂລກເຮົາກ້າວໜ້າໄປຫຼາຍ ບາງຄັ້ງການກວດຮັກສາໂຣກບາງຊະນິດ ເຄື່ອງມືແພດອາດບໍ່ສາມາດເຂົ້າໄປເຖິງໄດ້ ເຊັ່ນ ການກວດລະບົບປະສາດ ລ່າສຸດທີມງານວິສະວະກອນຈາກມະຫາວິທະຍາໄລ ເບີຣກເລຍ໌ ໄດ້ຄິດຄົ້ນເຊັນເຊີ້ໄຮ້ສາຍຂະໜາດນ້ອຍ ຮຽກວ່າ “neural dust” ອຸປະກອນອັນຕ້ຣາຊາວຂະນາດນ້ອຍທີ່ສາມາກວດຫາສາເຫດ ຄວາມຜິດປົກກະຕິຂອງລະບົບປະສາດ ຊ່ວຍຮັກສາຕັ້ງແຕ່ອາການອັກເສບ ໄປຈົນເຖິງໂຣກບ້າໝູ
ລາຍງານການທົດລອງຂອງພວກເຂົາໄດ້ຖືກຕີພຶມລົງວາລະສານເຊລປະສາດ ໂດຍນັກວິທະຍາສາດໄດ້ທົດລອງຝັງເຊັນເຊີ້ນີ້ ລົງໄປໃນສ່ວນຂອງກ້າມເນື້ອ ແລະ ເສັ້ນປະສາດຂອງໜູ ເພື່ອເຮັດການອັນຕ້ຣາຊາວສັນຍານໄຟຟ້າຂອງເສັ້ນປະສາດ ຫາຄາມຜິດປົກກະຕິທີ່ເກີດຂຶ້ນ ຂະໜາດຂອງມັນນ້ອຍຫຼາຍເມື່ອທຽບກັບມະນຸດ
ເປົ້າໝາຍຕໍ່ໄປຂອງໂຄງການນີ້ ຄືພັດທະນາເທັກໂນໂລຢີໃຫ້ສາມາດເຊື່ອມຕໍ່ກັບສະໝອງ ເພື່ອຮັກສາໂຣກອຳມະພາດ ຫຼື ໂຣກອື່ນໆ ທີ່ກ່ຽວຂ້ອງກັບປະສາດໄດ້ດ້ວຍການຝັງເຄື່ອງນີ້ເຂົ້າໄປ ແລ້ວກະຕຸ້ນດ້ວຍກະແສໄຟຟ້າ ທີມວິສະວະກອນຫວັງວ່າໃນອານາຄົດມັນຈະສາມາດຫາຂໍ້ມູນຂອງລະດັບອົກຊີເຈນ ຮວມເຖິງຮໍໂມນໃນຮ່າງກາຍຂອງມະນຸດໄດ້ອີກດ້ວຍ
ທີ່ມາ: http://news.thaiware.com/8391.html