ສຳນັກຂ່າວຕ່າງປະເທດ ລາຍງານໃນວັນທີ 12 ສິງຫານີ້ວ່າ ໃນວັນພະຫັດທີ 11 ສິງຫາຜ່ານມານີ້ ສະພາຄວາມໝັ້ນຄົງ ແຫ່ງ ສະຫະປະຊາຊາດ ໄດ້ປະກາດວ່າ ຈະດຳເນີນການປຶກສາຫາລື ກ່ຽວກັບສະພາບການເຄັ່ງຕຶງ ທີ່ເກີດຂຶ້ນຢູ່ແຫລມໄຄຣເມຍ ພາຍຫລັງທີ່ຣັດເຊຍ ໄດ້ກ່າວຫາລັດຖະບານອູແກຣນ ວາງແຜນບຸກໂຈມຕີຢູ່ເຂດດັ່ງກ່າວ.
ທັງນີ້ ການປະຊຸມດ່ວນດັ່ງກ່າວ ຈະມີຂຶ້ນຕາມການສະເໜີຂອງຝ່າຍອູແກຣນ ຊຶ່ງທ່ານປະທານາທິບໍດີອູແກຣນ ເປໂຕຣ ໂປໂຣເຊນໂກ ກໍໄດ້ອອກຄຳສັ່ງ ໃຫ້ກະຊວງການຕ່າງປະເທດຕົນ ຈັດຕັ້ງການເຈລະຈາຫາລື 2 ຝ່າຍ ຜ່ານທາງໂທລະສັບ ກັບນາຍົກລັດຖະມົນຕີເຢຍລະມັນ ແລະ ທ່ານປະທານາທິບໍດີຝຣັ່ງ ກ່ຽວກັບບັນຫາດັ່ງກ່າວອີກດ້ວຍ.
ຕິດຕາມເຮາທາງFacebook ກົດຖືກໃຈເລີຍ!