ເວົ້າເລື່ອງຄວາມຫອມໃຜໆກໍ່ມັກ ສາລະໜ້າຮູ້ ວັນນີ້ເຮົາກໍ່ເລີຍມີສູດດີໆກ່ຽວກັບການເຮັດໃຫ້ເສື້ອຜ້າຫອມດົນຫອມທົນມາຝາກກັນ ນອກຈາກການໃຊ້ຜະລິດຕະພັນນ້ຳຢາປັບຜ້ານຸ້ມຊັກເສື້ອຜ້າໃຫ້ຫອມແລ້ວ ເຮົາຍັງມີສູດອື່ນໆອີກ ເຊິ່ງຈະເຮັດແນວໃດນັ້ນ ເຮົາມາຮູ້ກັນເລີຍ
ສຳລີນ້ຳຫອມ
ພຽງນຳນ້ຳຫອມກິ່ນທີ່ມັກສີດລົງສຳລີກ້ອນ ແລ້ວນຳໄປວາງໄວ້ຕາມຈຸດຕ່າງໆໃນຕູ້ເສື້ອຜ້າ ກິ່ນນ້ຳຫອມກໍ່ຈະແຊກຊຶມເຂົ້າໄປຢູ່ນຳເສື້ອຜ້າ ຊ່ວຍຮັກສາຄວາມຫອມໄວ້ໄດ້ຍາວນານເຊັ່ນດຽວກັນ
ລີດຜ້ານ້ຳຫອມ
ພຽງແຕ່ນຳນ້ຳຫອມກິ່ນທີ່ມັກມາສີດບາງໆໃສ່ຕາມຈຸດຄໍເສື້ອ ຫຼື ບໍລິເວນທີ່ຕ້ອງການ ຈາກນັ້ນກໍ່ລີດເສື້ອຕາມປົກກະຕິ ຮັບຮອງເລີຍວ່າກິ່ນນ້ຳຫອມຈະຕິດດົນຕິດທົນໄດ້ໃຈທ່ານແນ່ນອນ