ສຳນັກຂ່າວຕ່າງປະເທດ ລາຍງານໃນວັນທີ 10 ສິງຫາຜ່ານມານີ້ວ່າ ລົດເມຮັບສົ່ງນັກຂ່າວ ໃນເມືອງ ຣີໂອ ເດີ ຈາເນໂຣ ໄດ້ຖືກໂຈມຕີດ້ວຍອາວຸດປືນ ເທິງທາງດ່ວນຈາກສະໜາມແຂ່ງຂັນບານບ້ວງ ໄປຍັງສະໜາມຫລັກ ໃນມື້ວັນອັງຄານທີ 9 ສິງຫາ 2016 ຕາມເວລາໃນທ້ອງຖິ່ນ ໂດຍຜູ້ສື່ຂ່າວລະບຸວ່າ ໄດ້ຍິນສຽງປືນດັງ 2 ຄັ້ງ ເຮັດໃຫ້ແວ່ນແກ້ວປ່ອງຢ້ຽມຂອງລົດແຕກ ແລະ ມີຜູ້ໄດ້ຮັບບາດເຈັບ 3 ຄົນ, ແນວໃດກໍຕາມ ໂຊເຟີຂັບລົດຄັນດັ່ງກ່າວ ໄດ້ຕັດສິນໃຈຂັບລົດຕໍ່ໄປ ກ່ອນທີ່ຈະຢຸດຈອດ ເມື່ອພົບກັບລົດຂອງ ເຈົ້າໜ້າທີ່ຕຳຫລວດ.

ປັດຈຸບັນ ທາງການບຣາຊິນ ໄດ້ອອກຄຳສັ່ງ ເພີ່ມມາດຕະການຮັກສາຄວາມປອດໄພ ໃຫ້ເຂັ້ມງວດຂຶ້ນກວ່າເກົ່າ ເພື່ອປ້ອງກັນບໍ່ໃຫ້ເກີດເຫດຮຸນແຮງ ດັ່ງກ່າວນີ້ອີກ.

 
ຕິດຕາມເຮາທາງFacebook ກົດຖືກໃຈເລີຍ!