ສຳນັກຂ່າວຊີຊີທີວີຂອງຈີນ ໄດ້ເຜີຍແຜ່ວີດີໂອ ໃນວັນທີ 9 ສິງຫາຜ່ານມານີ້ ກ່ຽວກັບການລະເບີດ ທຳລາຍອາຄານ ຄອນໂດມີນຽມ ສູງ 90 ແມັດ ຫລັງໜຶ່ງ ຢູ່ເມືອງຕ້າຖົງ ແຂວງຊານຊີ ໂດຍເຈົ້າໜ້າທີ່ຂອງລັດຖະບານທ້ອງຖິ່ນ ເນື່ອງຈາກອາຄານດັ່ງກ່າວ ສ້າງຂຶ້ນຂັດກັບແຜນຜັງເມືອງ ເພາະສ້າງໃກ້ກັບ ກຳແພງເມືອງບູຮານຕ້າຖົງ ຊຶ່ງເປັນໜຶ່ງໃນ ໂຄງການບູລະນະ ແລະ ອະນຸລັກເມືອງບູຮານຕ້າຖົງ ທີ່ມີອານາເຂດກຳແພງເມືອງ ສະໄໝລາຊະວົງໝິງ ຍາວ 3.3 ກິໂລແມັດ.
ທັງນີ້ ເມືອງຕ້າຖົງ ເປັນເມືອງອັນດັບສອງ ຂອງແຂວງຊານຊີ ປະເທດຈີນ ໂດຍເປັນເມືອງທີ່ມີແຫລ່ງອະລິຍະທຳ ຊຶ່ງມີວັດທະນະທຳ ແລະ ປະຫວັດສາດທີ່ຍາວນານ ຫລາຍກວ່າ 2,400 ປີ.
ຕິດຕາມເຮາທາງFacebook ກົດຖືກໃຈເລີຍ!