ສຳນັກຂ່າວ INN ຂອງໄທ ລາຍງານໃນວັນທີ 10 ສິງຫາຜ່ານມານີ້ວ່າ ພາຍຫລັງການຈັດລົງປະຊາມະຕິ ຮັບຮອງຮ່າງລັດຖະທຳມະນູນ ສະບັບໃໝ່ຂອງໄທ ໃນວັນທີ 7 ສິງຫາ 2016 ຜ່ານມາ ແລະ ຜົນການນັບຄະແນນ ປະກາດອອກຢ່າງເປັນທາງການ ໂດຍສຽງສ່ວນຫລາຍ 55% ຂອງຜູ້ມີສິດ ໄດ້ເລືອກຮັບຮອງເອົາ ລັດຖະທຳມະນູນ ສະບັບດັ່ງກ່າວ.

ຫລ້າສຸດ ທ່ານ ແບຣດ ອະດຳ ຜູ້ອຳນວຍການ ອົງການສິດທິມະນຸດ ປະຈຳພາກພື້ນອາຊີ ໄດ້ອອກມາກ່າວວ່າ ການລົງປະຊາມະຕິດັ່ງກ່າວ ຊຶ່ງລັດຖະບານເປັນຜູ້ປຸກລະດົມ ແລະ ທຳການຕໍ່ຕ້ານ ການຈັດກິດຈະກຳ ສະແດງຄວາມຄິດເຫັນ ພ້ອມທັງມີການຄວບຄຸມ ຝ່າຍກົງກັນຂ້າມຂອງຕົນ ໃນນັ້ນແມ່ນລວມທັງສື່ມວນຊົນ ແມ່ນເປັນໄປດ້ວຍຄວາມບໍ່ຍຸຕິທຳ ໂດຍທ່ານໄດ້ຊີ້ໃຫ້ເຫັນວ່າ ການລົງປະຊາມະຕິດັ່ງກ່າວ ແທນທີ່ຈະເປັນຜົນປະໂຫຍດ ໃຫ້ແກ່ພົນລະເມືອງຊາວໄທໃນໄລຍະຍາວ ເພື່ອກັບຄືນສູ່ລະບອບປະຊາທິປະໄຕ, ແຕ່ລັດຖະທຳມະນູນສະບັບໃໝ່ນີ້ ຊ້ຳກາຍເປັນການປູທາງ ສຳລັບລັດະບານທະຫານ ໃນອະນາຄົດ.

ຕິດຕາມເຮາທາງFacebook ກົດຖືກໃຈເລີຍ!