ຫຼ້າສຸດນີ້ Meizu ໄດ້ເປີດໂຕສະມາດໂຟນລຸ້ນໃໝ່ຂອງບໍລິສັດ ນາມວ່າ Meizu M3E. ສຳລັບ Meizu M3E ນີ້ແມ່ນອອກແບບມາດ້ວຍເທັກໂນໂລຢີການຕັດຂອບເພັດ ແລະໂຕເຄື່ອງແມ່ນເຮັດມາຈາກໂລຫະທີ່ມີຄວາມທົນທານສູງ. ໂດຍຈຸດເດັ່ນຂອງລຸ້ນນີ້ກໍຄົງເປັນຊ໋ອບແວຣ໌ກ້ອງໜ້າທີ່ມາພ້ອມກັບ FotoNation 2.0 ແລະ FaceAE ທີ່ຈະຊ່ອຍເພີ່ມປະສິດພິພາບເຊວຟີ້ແລະວີດີໂອຄໍໄດ້ຢ່າງດີ. ນອກຈາກນີ້ແລ້ວຍັງໃຊ້ງານລະບົບ YunOS ທີ່ພັດທະນາໂດຍ Alibaba ອີກນຳ.
ສຳລັບສະເປັກຂອງ Meizu M3E ມີດັ່ງນີ້:
- ໂຕເຄື່ອງມີຂະໜາດທີ່ 153.6 x 75.8 x 7.9 ມມ ແລະໜັກປະມານ 172 ກຣາມ.
- ໃຊ້ຈໍ IPS LCD ຂະໜາດ 5.5 ນິ້ວ, ຄວາມລະອຽດ FullHD (1920 x 1080 ພິກເຊວ) 403ppi.
- ໜ້າຈໍມີຄວາມແຈ້ງສູງ 450 cd/m2 ແລະອັດຕາຄວາມຄົມຊັດທີ່ 1000:1.
- ໃຊ້ງານຊິບປະມວນຜົນ MediaTek Helio P10 64-bit ຄວາມແຮງ 1.8GHz.
- ໃຊ້ງານຊິບກຣາບຟິກ Mali T860.
- RAM 3GB.
- ROM 32GB ສາມາດເພີ່ມກາຣ໌ດ microSD ໄດ້.
- ກ້ອງຫຼັງຄວາມລະອຽດ 13 ລ້ານພິກເຊວ ພ້ອມເຊັນເຊີ້ Sony IMX258, f/2.2, PDAF ດ້ວຍຄວາມໄວໂຟກັດ 0.2 ວິ ແລະແຟລັດຄູ່ໂທນ LED.
- ກ້ອງໜ້າຄວາມລະອຽດ 5 ລ້ານພິກເຊວ ພ້ອມຄ່າ f/2.0, FotoNation 2.0 ແລະ FaceAE.
- ໃຊ້ງານ UI Flyme 5.2.1 ທີ່ສ້າງເທິງພື້ນຖານລະບົບ YunOS 5.1.1.
- ຮອງຮັບລະບົບ AliPay ຂອງ Alibaba ໃນປະເທດຈີນ.
- ແບັດເຕີຣີ 3100mAh ມາພ້ອມເທັກໂນໂລຢີສາກໄວ mCharge
- ຮອງຮັບ 2 ຊິມ
- ຮອງຮັບ 4G VoLTE, 3G, Wi-Fi 802.11 b/g/n, GPS, A-GPS, Bluetooth 4.1.
- ພອຣ໌ດ microUSB 2.0 ແລະຮູແຈັກ 3.5 ມມ
ສຳລັບ Meizu M3E ນີ້ມາພ້ອມກັບ 5 ສີໃຫ້ເລືອກໄດ້ແກ່: ສີຟ້າ, ເທົາ, ເງິນ, ຄຳ ແລະຄຳບົວ. ໂດຍຈະວາງຈຳໜ່າຍໃນລາຄາ 1,299 ຢວນ (1.588.000 ກີບ) ແລະຈະເລີ່ມວາງຈຳໜ່າຍຜ່ານເວັບໄຊ Meizu ໃນວັນທີ 14 ສິງຫານີ້ ທີ່ປະເທດຈີນ.
ສຳລັບທ່ານໃດທີ່ຮັກໃນການອ່ານຂ່າວໄອທີ ແລະ ເກມ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ:techtoyreviews