ມື້ນີ້ ວັນທີ 10/08/2016 ທ່ານ ອຈ ເວີນສະຫວັນ ສີວິໄຊ ຄູຝຶກທີມຊາດຊຸດໃຫຍ່ ແລະອາດີດຄູຝຶກສະໂມສອນບານເຕະ ທະນາຄານ ແລະ HSB ວຽງຈັນໄດ້ ອອກມາຕອບຄຳຖາມໃນ ເຟສບຸກສ່ວນຕົວຂອງເພິ່ນເອງກ່ຽວກັບຄຳຖາມ ທີ່ຖາມວ່າ ເປັນຫຍັງຜູ້ຊົມຈຶ່ງ ບໍ່ເຂົ້າຊົມການແຂ່ງຂັນເຕະບານລາວລີກ ໃນທັດສະນະຂອງເພິ່ນກ່າວວ່າ:
ຂໍຕອບຄຳຖາມຊິຖືກຫຼື ຜິດ ກະຄິດເອົາເອງ
1. ແຕ່ປີ 1978 – 1986 ຜູ້ຊົມ ຍັງເຕັມໜາມ ທັງລະດັບສາຍ ກ ສາຍ ຂ ຍ້ອນວ່າໃນໄລະນັ້້ນ ສະຖານທີ່ ສ້າງກິດຈະກຳບໍ່ມີຫຼາຍແຫ່ງ ບໍ່ມີແຫຼ່ງທ່ອງທ່ຽວຫຼາຍແຫ່ງ
2. 1990- 2002 ຄົນກະຍັງເຕັມສະໜາມ 2003 – 2015 ເຫັນວ່າ ຄົນເລີ່ມບາງຕາ ສາເຫດ ຍ້ອນວ່າ
– ແຫຼ່ງທ່ອງທ່ຽວມີຫຼາຍແຫ່ງເຊັ່ນ: ເຮືອແພທ່າງ່ອນ, ຕາດຊອນ, ບ່ອນຕຶກປາ, ສວນສັດ, ບ່ອນລອຍນ້ຳ, ອິນແປງ ແລະອື່ນໆ
– ເດີ່ນເຕະບານ ຂະໜາດ 7 ຄົນກຳເນີດເກີດຂຶ້ນ ຄົນພາກັນໄປເຕະ ພໍດີກັບຊ່ວງ ແຂ່ງຂັນ
– ຄົນຈັດງານສັງສັນ ວັນເສົາ-ວັນອາທິດ
ຈາກກິດຈະກຳ ຂ້າງເທິງ ທ່ານ ຄິດວ່າ ປະຊາກອນຢູ່ນະຄອນຫຼວງ ທີ່ມີກິດຈະກຳຂ້າງເທິງ ກວມເອົາປະມານ 80 % ແລ້ວ ຈະມີຄົນເຂົ້າເບິ່ງເຕະບານຫຼາຍປານໃດ ນີ້ຄືປັດໄຈພາຍນອກ
ບາດນີ້ມາວິເຄາະ ປັດໄຈພາຍໃນ ປະກອບມີ :
– ບໍ່ມີແຮງຈູງໃຈ ບໍ່ມີການແຈກລາງວັນ ທີ່ເໝາະສົມ ຫຼື ຄຸ້ມຄ່າໄປເບິ່ງ (ຄ່ານ້ຳມັນລົດ, ຄ່ານ້ຳດື່ມ, ອາຫານຫວ່າງ ແລະ ອື່ນໆ )
– ສະໜາມແຂ່ງຂັນ ຢູ່ໄກ
– ບໍ່ມີນັກກິລາທີ່ໂດດເດັ່ນປະທັບໃຈ ຄື ຍຸກກຜ່ານມາເຊັ່ນ: ວັດທະນາ, ອຸເທນສັກດາ, ສາຍທອງ, ໜູດໍາ, ບຸນຍູ້, ໄພປະດິດ, ໂປ້ຍ, ໂສວັດ, ໄຊຊະນະ, ບຸນລັບ, ບຸນເລັ່ງ, ຈາລະນາ ແລະຄົນອື່ນໆອີກ
– ກະໂຕສະໂມສອນກະບໍ່ມີຂາເຊຍຂອງຕົນ ແຕ່ປາກົດວ່າ ໃນຂາກັບ ປີ 2016 ເລີ່ມມີກອງເຊຍຂອງແຕ່ລະທີມແລ້ວ ແລະຜູ້ຊົມກໍ່ເລີ່ມຫຼາຍຂຶ້ນ.
ແລ້ວພວກທ່ານເດມີຄວາມຄິດເຫັນແນວໃດ.
ຂອບໃຈຂໍູມູນແລະ ພາບຈາກ: www.facebook.com/veunsavanh.sivisay ແລະ http://laosportnews.com/index.php/news/article/505