spot_img
Homeຂ່າວທ້ອງຖິ່ນສົກປີນີ້ ເມືອງໄຊສະຖານ ມີໂຄງການລົງທຶນທັງໝົດ 12 ໂຄງການ

ສົກປີນີ້ ເມືອງໄຊສະຖານ ມີໂຄງການລົງທຶນທັງໝົດ 12 ໂຄງການ

Published on

ຂປລ. ຕາມ​ການ​ລາຍງານ​ຈາກ ທ່ານ ກອງສີ ວົງສີ ເຈົ້າເມືອງໆໄຊສະຖານ ແຂວງໄຊຍະບູລີ ​ໃຫ້​ຮູ້​ວ່າ: ໃນສົກປີ 2015-2016 ​ເມືອງ​ດັ່ງກ່າວ, ມີໂຄງການລົງທຶນທັງໝົດ 12 ໂຄງການ, ມີມູນຄ່າ 89,2 ຕື້​ກວ່​າກີບ; ມີໂຄງການລົງທຶນໃໝ່ 5 ໂຄງການມູນຄ່າ 17,1 ຕື້ກວ່າກີບ ແລະ ໂຄງການສືບຕໍ່ 7 ໂຄງການມູນຄ່າ 72,1 ຕື້ກວ່າກີບ, ​ໃນ​ນັ້ນ​ປະຕິບັດສຳເລັດ 100% ມີ 7 ໂຄງການ.

ໂຄງການ​ທີ່​ຈັດ​ຕັ້ງປະຕິບັດ​ສຳ​ເລັດ ​ປະກອບ​ມີໂຄງການກໍ່ສ້າງ ລະບົບກັນເຈື່ອນເທສະບານ, ວາງທໍ່ນ້ຳ ແລະ ກັນເຈື່ອນຫ້ວຍກົກທອງ; ໂຄງການກໍ່ສ້າງສ້ອມແປງ ທາງເທສະບານຫາບ້ານກໍ່,​ ບ້ານສະປິ; ໂຄງການສ້າງຕິດຕັ້ງ ຕາຂ່າຍໄຟຟ້າບ້ານພູເລີ່ນ ຫາບ້ານກີ່ວກອກ; ໂຄງການຍົກລະດັບເສັ້ນທາງປູຫີນດາໂລ ບ້ານຄອນປຽດຫາ ບ້ານມີໄຊ; ໂຄງການກໍ່ສ້າງຕາຂ່າຍໄຟຟ້າ ບ້ານສະມະຫາບ້ານມີໄຊ, ກໍ່ສ້າງເຮືອນຮັບຕ້ອນ, ກໍ່ສ້າງຕິດຕັ້ງຕາຂ່າຍໄຟຟ້າ ບ້ານດອຍກາວ ຫາບ້ານສີສາຍທອງ ແລະ ບ້ານສະຖານ. ສ່ວນໂຄງການທີ່ຍັງສືບຕໍ່ ປະຕິບັດປະກອບມີ ໂຄງການກໍ່ສ້າງຫ້ອງການແຜນ ການຮ່ວມມື ໂຄງການກໍ່ສ້າງທາງສຸກເສີນ 3 ແຍກ ບ້ານດອຍກາວ ຫາບ້ານສີສາຍທອງ ແລະ ໂຄງການກໍ່ສ້າງທາງສຸກເສີນ 3 ແຍກບ້ານສະລາ ຫາບ້ານວຽງແກ້ວ ເມືອງຫົງສາ.

ໃນໄລຍະຜ່ານມາ ພາຍໃຕ້ການຊີ້ນຳ-ນຳພາ ຂອງອົງຄະນະພັກເມືອງ ເຮັດໃຫ້ເສດຖະກິດ ພາຍ​ໃນ​ເມືອງ​ດັ່ງກ່າວ ສືບຕໍ່ຂະຫຍາຍຕົວ ຢູ່ໃນລະດັບ 7% ຕໍ່ປີ, ລາຍຮັບລວມບັນລຸໄດ້ 92,8 ຕື້ກີບ, ສະເລ່ຍໃສ່ຫົວຄົນໜຶ່ງໄດ້ 6 ລ້ານກວ່າກີບ ເທົ່າກັບ 763 ໂດລາສະຫະລັດຕໍ່ຄົນຕໍ່ປີ. ໂຄງປະກອບເສດຖະກິດ ມີການຫັນປ່ຽນຢ່າງຕັ້ງໜ້າ​ ແລະ ພື້ນຖານໂຄງລ່າງ ໄດ້ຮັບການພັດທະນາດີຂຶ້ນຕາມລຳດັບ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ໂດໂນ ທຣໍາ ເຊັນຄໍາສັ່ງສົ່ງຜູ້ອົບພະຍົບເຂົ້າອາເມຣິກາແບບຜິດກົດໝາຍ ໃຫ້ກັບຄືນສູ່ປະເທດ

ໂດໂນ ທຣໍາ ເຊັນຄໍາສັ່ງສົ່ງຜູ້ເຂົ້າປະເທດແບບຜິດກົດໝາຍ ໃນນີ້ມີຄົນສັນຊາດລາວ 4,850 ຄົນ.ຈາກການອອກມາເປີດເຜີຍ ແລະ ບົດລາຍງານເດືອນພະຈິກ ຂອງສຳນັກງານກວດຄົນເຂົ້າເມືອງ ຂອງສະຫະລັດ (ICE) ໄດ້ລະບຸວ່າ: ຄົນລາວຫຼາຍກວ່າ 4,000...

ຈັບໄດ້ໄລ່ທັນ ຊົມເຊີຍເຈົ້າໜ້າທີ່ຈັບໂຈນກໍ່ເຫດລັກສາຍໄຟ ພາຍໃນ 1 ຊົ່ວໂມງ

ຈາກກໍລະນີຊາຍກໍ່ເຫດ ລັກສາຍໄຟ ທີ່ບ້ານຫັດສະດີ ເມືອງຈັນທະບູລີ ນະຄອນຫຼວງວຽງຈັນ ໃນຕອນເຊົ້າເວລາປະມານ 9:00 ນາທີ ຂອງວັນທີ 30 ມັງກອນ 2025, ພາຍໃນ 1...

ມອບ-ຮັບໜ້າທີ່ ຫົວໜ້າກົມໃຫຍ່ເສນາທິການກອງທັບ ລະຫວ່າງ ຜູ້ເກົ່າ ແລະ ຜູ້ໃໝ່

ພິທີ ມອບ-ຮັບໜ້າທີ່ ຫົວໜ້າກົມໃຫຍ່ເສນາທິການກອງທັບ ລະຫວ່າງ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 30 ມັງກອນ 2025 ນີ້, ໂດຍການເປັນປະທານ ຂອງສະຫາຍ...

ພົບກ່ອງດຳເຮືອບິນໂດຍສານສະຫະລັດ ທີ່ປະສົບອຸບັດຕິເຫດຕຳກັນກາງອາກາດກັບ ເຮລິຄອບເຕີ

ພົບກ່ອງດຳເຮືອບິນໂດຍສານສະຫະລັດ ທີ່ປະສົບອຸບັດຕິເຫດຕຳກັນກາງອາກາດກັບ ເຮລິຄອບເຕີ ກ່ອນຈະຕົກລົງໃນແມ່ນ້ຳ ທີ່ນະຄອນຫຼວງວໍຊິງຕັນ ເຈົ້າໜ້າທີ່ຜູ້ຊ່ຽວຊານນຳໄປກວດສອບແລ້ວ ເພື່ອຫາເບາະແສກ່ຽວກັບຂໍ້ຜິດພາດທີ່ອາດຈະເກີດຂຶ້ນ ຄາດວ່າຜູ້ໂດຍສານທີ່ຢູ່ເທິງເຮືອບິນ ແລະ ເຮລິຄອບເຕີ ລວມ 67 ຄົນ ໜ້າຈະເສຍຊີວິດທັງໝົດ. ສຳນັກຂ່າວຕ່າງປະເທດລາຍງານ...