ຂປລ. ໃນວັນທີ 8 ສິງຫານີ້ ຢູ່ນະຄອນຫລວງວຽງຈັນ, ກະຊວງການຕ່າງປະເທດ ໄດ້ຈັດກອງປະຊຸມ ແຈ້ງຂ່າວໃຫ້ບັນດາທູຕານຸທູດ, ຜູ້ຕາງໜ້າອົງການຈັດຕັ້ງສາກົນທີ່ກ່ຽວຂ້ອງ ກ່ຽວກັບການກະກຽມຄວາມພ້ອມຂອງ ສປປ ລາວ ໃນການເປັນເຈົ້າພາບ ຈັດກອງປະຊຸມສຸດຍອດອາຊຽນ ຄັ້ງທີ 28, 29 ແລະ ກອງປະຊຸມສຸດຍອດທີ່ກ່ຽວຂ້ອງອື່ນໆ ທີ່ຈະຈັດຂຶ້ນໃນວັນທີ 6-8 ກັນຍາ ທີ່ຈະເຖິງນີ້ ຢູ່ນະຄອນຫລວງວຽງຈັນ.
ທ່ານ ພົງສະຫວັນ ສີສຸລາດ ຫົວໜ້າກົມອາຊຽນ ກະຊວງການຕ່າງປະເທດ ກ່າວວ່າ: ການຈັດກອງປະຊຸມໃນຄັ້ງນີ້ ກໍເພື່ອແຈ້ງ ແລະ ອະທິບາຍລາຍລະອຽດ ກ່ຽວກັບການກະກຽມວຽກງານດ້ານຕ່າງໆ ໃຫ້ບັນດາທູຕານຸທູດ, ຜູ້ຕາງໜ້າອົງການຈັດຕັ້ງສາກົນທີ່ກ່ຽວຂ້ອງ ທີ່ມີສຳນັກງານການທູດ ຢູ່ນະຄອນຫລວງວຽງຈັນ, ຕ່າງປະເທດ ເພື່ອຊາບເຖິງການກະກຽມຄວາມພ້ອມ ໃນດ້ານຕ່າງໆຂອງ ສປປ ລາວ ໂດຍສະເພາະດ້ານພະລາທິການ, ພິທີການ, ການຮັກສາຄວາມປອດໄພ, ສະໜາມບິນ, ການຄຸ້ມຄອງບັນດາສື່ມວນຊົນຕ່າງປະເທດ ແລະ ດ້ານອື່ນໆ. ນອກຈາກນີ້, ຍັງໄດ້ມີການແລກປ່ຽນຄວາມຄິດເຫັນ ກ່ຽວກັບບັນຫາທີ່ກ່າວມານັ້ນ ເພື່ອໃຫ້ຜູ້ເຂົ້າຮ່ວມ ມີຄວາມເຂົ້າໃຈແຈ້ງຕື່ມ ໃນການກະກຽມ ກອງປະຊຸມສຸດຍອດອາຊຽນ ຄັ້ງທີ 28, 29 ແລະ ກອງປະຊຸມສຸດຍອດທີ່ກ່ຽວຂ້ອງ ອື່ນໆຂອງ ສປປ ລາວ.
ແຫລ່ງຂ່າວ:
ຕິດຕາມຂ່າວເສດຖະກິດລາວ ກົດໄລຄ໌ເລີຍ!