ຊາວເນັດແຫ່ແຊຣ໌ ເລື່ອງລາວຊາຍໜຸ່ມຄົນໜຶ່ງປະສົບອຸບັດເຫດຈາກ ເກມໂປເກມອນ ໂກ ຫຼັງລົດລົ້ມ ເພາະຕ້ອງຫັກລົດຫລີກນັກໄລ່ລ່າເກັບໂປເກມອນ ຈົນລົດຕົກລົງຂີ້ຕົມ ແລະ ໄດ້ຮັບບາດເຈັບ.
ວັນທີ 8 ສິງຫາ 2016 ຜູ້ສື່ຂ່າວລາຍງານວ່າ ໂລກອອນໄລນ໌ມີການແຊຣ໌ເລື່ອງລາວທີ່ໂພສຕ໌ຜ່ານເຟສບຸກ Visoredz Worapol ກໍລະນີເຈົ້າຂອງເພຈ ປະສົບອຸບັດເຫດ ເພາະເກມດັງຍອດຮິດທີ່ສຸດໃນຕອນນີ້ຢ່າງ Pokemon Go ທີ່ລາວຕ້ອງໄດ້ຫັກຫຼີກລົດຈັກຄັນທາງໜ້າທີ່ຂີ່ໄລ່ຈັບໂປເກມອນຈົນເຮັດໃຫ້ລາວລົ້ມລົງໃສ່ບວກຕົມ ແລະ ໄດ້ຮັບບາດເຈັບ.
ດ້ານຊາວເນັດຕ່າງກົດໄລຄ໌ ກົດແຊຣ໌ກັນເປັນຈຳນວນຫຼາຍ ເພື່ອເຕືອນສະຕິຄົນຫຼິ້ນເກມໂປເກມອນໂກ ທັງຫຼາຍ ແລະ ບາງຄົນເລົ່າປະສົບການ ພົບລົດຈັກຂີ່ຂຶ້ນທາງຄົນຍ່າງ ແຖມຂັບລົດໄປຈັບໂປເກມອນໄປ ຈົນເກືອບຕຳເອົາຄົນທີ່ກຳລັງຍ່າງຢູ່ແຄມທາງ.
ນີ້ເປັນອີກໜຶ່ງບົດຮຽນ ທີ່ໜ້າຄິດ ການຫຼິ້ນເກມຕ້ອງຫຼິ້ນຢ່າງມີສະຕິ ຫຼິ້ນໃນລະດັບພໍດີພໍງາມ ທີ່ສຳຄັນຢ່າຫຼິ້ນຈົນສ້າງຄວາມເດືອດຮ້ອນໃຫ້ກັບຄົນອື່ນ ແລະ ຕົວເອງ.
ພາບ ແລະ ຂໍ້ມູນຈາກ: ເຟສບຸກ Visoredz Worapol Kengkittipat
ແລະ http://hilight.kapook.com/view/140539