ສະຖາບັນດ້ານຍຸດທະສາດ ແລະ ຄວາມເປັນຜູ້ນຳຂອງອາຊີ ຮ່ວມກັບກະຊວງອຸດສາຫະກຳ ແລະ ການຄ້າ ແລະ ສະພາການຄ້າ ແລະ ອຸດສາຫະກຳ ແຫ່ງຊາດລາວ ຈັດກອງປະຊຸມຜູ້ນຳອາຊຽນຄັ້ງທີ 13 ຂຶ້ນ ເພື່ອເປັນເວທີປຶກສາຫາລືກ່ຽວກັບອະນາຄົດຂອງອາຊຽນ, ສິ່ງທ້າທາຍ ແລະ ກາລະໂອກາດໃນອາຊຽນ ໂດຍສະເພາະແມ່ນການເປັນປະຊາຄົມເສດຖະກິດອາຊຽນ.
ໃນໂອກາດດັ່ງກ່າວທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງສປປລາວ ໄດ້ເນັ້ນວ່າ: ທຳອິດ ພວກເຮົາຈະຕ້ອງຍູ້ແຮງການເຊື່ອມຈອດ ພາຍໃນອາຊຽນໃຫ້ມີຄວາມຄືບໜ້າ ແລະ ສຳເລັດໂດຍພື້ນຖານ ແລະ ໃຫ້ພາກທຸລະກິດ ໂດຍສະເພາະພາກເອກະຊົນ ເຂົ້າຮ່ວມຢ່າງເຂັ້ມແຂງ, ໂດຍການເຊື່ອມຈອດທາງດ້ານພາກພື້ນດິນ ( ທາງລົດ, ທາງລົດໄຟ), ທາງອາກາດ, ທາງເຮືອ ລວມທັງລະບົບສາຍສົ່ງພະລັງງານ ແລະ ອື່ນໆ ເພື່ອດຶງດູດການລົງທຶນ, ສົ່ງເສີມການຄ້າ ແລະ ການທ່ອງທ່ຽວໃນອາຊຽນ.
ຂ່າວຈາກ: ເສດຖະກິດ-ການຄ້າ