ຊ່ວງນີ້ຈະມີຄົນມາຈົ່ມກັບຂ້ອຍຫລາຍວ່າເສດຖະກິດບໍ່ດີ ບາງຄົນກໍ່ຍ້ອງວ່າເສດຖະກິດດີຫລາຍ… ຈິງໆເປັນເລື່ອງທີ່ແປກ ເພາະເຮົາລອງເບີ່ງອ້ອມໂຕເຮົາ “ບາງຄົນເຮັດເງີນໄດ້ຫລາຍຂື້ນ ບາງຄົນເຮັດເງີນໄດ້ຫນ້ອຍລົງ“
ຖ້າເຈົ້າລອງໄປຖາມຄົນທີ່ເຮັດເງິນໄດ້ຫນ້ອຍລົງຫລືບໍລິສັດທີ່ມີລາຍຮັບຫນ້ອຍລົງເຂົາຈະບອກເຈົ້າວ່າເສດຖະກິດບໍ່ດີ ບໍ່ມີອານາຄົດ ເຂົາຈະລົດຄ່າໃຊ້ຈ່າຍ ລົງທຶນຫນ້ອຍລົງ ແລະຫລັງຈາກນັ້ນບໍລິສັດກໍ່ຈະຮ້ວຍລົງໄປເລື້ອຍໆ ແລະກາຍເປັນແບບດຽວກັບ Nokia ຄືເຈັ້ງໃນທີ່ສຸດ
ຖ້າໄປຖາມຄົນຫລືບໍລິສັດທີ່ເຮັດເງີນໄດ້ຫລາຍຂື້ນ ຂາຍດີ ເຂົາກໍ່ຈະບອກວ່າ ເສດຖະກິດດີ ບໍລິສັດເຫລົ່ານີ້ກໍ່ຈະລົງທຶນເພີ່ມຂື້ນ ຈ້າງຄົນເພີ່ມຂຶ້ນ ອອກສິນຄ້າໃຫ້ຖືກກັບຕະຫລາດຫລາຍຂື້ນ ຫລັງຈາກນັ້ນບໍລິສັດກໍ່ຈະດີຂຶ້ນໄປອີກ ເຂົາຈະກາຍເປັນ Apple ສິນຄ້າແພງແຕ່ຄົນຍັງພາກັນຊື້ໃນພາວະເສດຖະກິດຕົກຕຳ່
ຄວາມແຕກຕ່າງຄື ໃນທຸກໆສະພາວະ ຄົນຫນື່ງຈະເຫັນເປັນໂອກາດ ນັ້ນຄືຄົນຈະລວຍ ແລະອີກຄົນຫນື່ງເຫັນເປັນວິກິດນັ້ນຄືຄົນຈະທຸກ
ແປກບໍ່ວ່າມັນບໍ່ໄດ້ຢູ່ທີ່ເສດຖະກິດແຕ່ມັນຢູ່ທີ່ໂຕເຮົາຕ່າງຫາກ ທີ່ເຈົ້າຍັງບໍ່ເຫັນໂອກາດເພາະເຈົ້າປິດໃຈ ບໍ່ກ້າເບີ່ງ Mindst ຊັ້ນຂັ້ນແລກຂອງການກ້າວໄປຂ້າງຫນ້າຄືຄວາມກ້າ
ເວົ້າມາຮອດຈຸດນີ້ຫລາຍຄົນກໍ່ຍັງຢາກຖຽງວ່າເສດຖະກິດບໍ່ດີໃຜຈະຢາກຂະຫຍາຍທຸລະກິດ ຂ້ອຍເຫັນດີກັບຄົນທີ່ມີຄວາມຄິດແບບນີ້ແລະຂ້ອຍກໍ່ເຫັນດີແຄ່ເຄີ່ງຫນື່ງເພາະບໍ່ແມ່ນທຸກທຸລະກິດສາມາດສ້າງສວນກະແສໄດ້ ແຕ່ເຈົ້າລອງເບີ່ງອ້ອມໂຕເຈົ້າເບີ່ງວ່າ ຖ້າເສດຖະກິດ ຕົກຕຳ່ເປັນຫຍັງແຖວບ້ານເຮົາຄືຈະເລີນຂື້ນມີ Mpointmart ທຸກມຸມເມືອງ ຫລາຍຄົນຈົ່ມວ່າຫາເງິນຍາກແຕ່ເປັນຫຍັງ MKສຸກີ້ມາຂາຍຄົນນັ່ງຖ້າກິນເຕັມຮ້ານ ແລ້ວຍັງມີTummour ແລະHotpot ທີ່ມາຂະຫຍາຍຕະຫລາດແບບບໍ່ເກງໃຈໃຜ ແລະຕາມເຄີຍຄົນຍັງໄປນັ່ງຖ້າກີນທັ້ງທີ່ວ່າຄົນລາວເຮົາບໍ່ມັກລໍຖ້າ ແລະຍັງມີທຸລະກິດອີກຫລາຍຢ່າງທີ່ຂະຫຍາຍຢ່າງບໍ່ຢຸດຢັ້ງທັ່ງທີ່ຫລາຍຄົນບອກວ່າເສດຖະກິດບໍ່ດີ ແລະເຮົາເອງທີ່ບອກກັບອື່ນວ່າເສດຖະກິດບໍ່ດີ ຫາເງີນຍາກແຕ່ການໃຊ້ຊີວິດຂອງເຮົາ Lifestyle ທຽບໃສ່ເມື່ອກ່ອນພັດດີຂື້ນ ???? ຫລືເຮົາເອງທີ່ເບີ່ງບໍ່ເຫັນໂອກາດບໍ່?
ຂໍຄິດດີໆຈາກ: ນັກທຸລະກິດມືໃຫມ່ entrepreneur