spot_img
Homeອຸບັດເຫດແລະປາກົດການຫຍໍ້ທໍ້ປກສ ເມືອງຈຳພອນຈັບແກ້ງຢາເສບຕິດ

ປກສ ເມືອງຈຳພອນຈັບແກ້ງຢາເສບຕິດ

Published on

ເຈົ້າ​ໜ້າ­ທີ່ ປກສ ເມືອງ​ຈຳ​ພອນ ແຂວງ​ສະ­ຫວັນ​ນະ​ເຂດໄດ້​ຮັບ​ການ​ລາຍ ງານ​ຈາກ​ພົນ­ລະ­ເມືອງ​ດີ​ວ່າ: ຢູ່​ຂອບ ເຂດ​ກຸ່ມ​ບ້ານ​ທີ 6 ບ້ານ​ນາ​ສານ ໄດ້​ມີ ການ​ມົ້ວ​ສຸມ ແລະ​ຈຳ­ໜ່າຍ​ຢາ​ເສບ​ຕິດ

ເມື່ອ​ຮູ້​ແນວ​ນັ້ນ​ທາງ​ເຈົ້າ​ໜ້າ­ທີ່​ກອງ​ບັນ­ຊາ​ການ ປກສ ເມືອງ ຈຶ່ງ​ໄດ້​ແຕ່ງ­ຕັ້ງ ໃຫ້​ພະ­ນັກ­ງານ​ວິ­ຊາ​ສະ­ເພາະ​ລົງ​ກວດ­ກາ ແລະ​ເຫັນ​ວ່າ​ມີ​ມູນ​ຄວາມ​ຈິງ​ແທ້ ດັ່ງ­ນັ້ນ, ຈຶ່ງ​ໄດ້​ສົມ­ທົບ​ກັບ ປກສ ກຸ່ມ​ບ້ານ, ນາຍ ບ້ານ ຕົກ​ມາ​ຮອດ​ວັນ​ທີ 27 ກໍ­ລະ­ກົດ 2016 ເຈົ້າ​ໜ້າ­ທີ່ ປກສ ເມືອງ​ຈຳ​ພອນ ໄດ້​ກັກ​ຕົວ​ຜູ້​ຄ້າ­ຂາຍ​ຢາ​ເສບ​ຕິດ​ໄດ້ 3 ຄົນ ຄື: ທ້າວ ບຸນ​ກອນ ອາ­ຍຸ 52 ປີ ອາ­ຊີບ ເຮັດ​ນາ ຢູ່​ບ້ານ​ນາ​ສານ ເມືອງ​ຈຳ​ພອນ ພ້ອມ​ຂອງ​ກາງ​ຢາ​ບ້າ 18 ເມັດ, ປືນ​ແກັບສັ້ນ​ປະ­ດິດ​ເອງ 3 ກະ­ບອກ, ມີດ 3 ດວງ, ທ້າວ ບຸນ​ຕີ໋ ຫຼື ຕີ໋ ອາ­ຍຸ 28 ປີ ອາ­ຊີບ ເຮັດ​ນາ ບ້ານ​ພູ­ເຂົາ​ຄວາຍ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ, ປະ­ຈຸ ບັນ​ຢູ່​ບ້ານ​ນາ​ສານ ເມືອງ​ຈຳ​ພອນ ພ້ອມ ຂອງ​ກາງ​ຢາ​ບ້າ 161 ເມັດ, ປືນ​ແກັບ ສັ້ນ​ປະ­ດິດ 1 ກະ­ບອກ, ປືນ​ແກັບ​ຍາວ​ປະ ດິດ 1 ກະ­ບອກ, ຂວານ 1 ດວງ, ມີດ 1 ດວງ ແລະ​ທ້າວ ສາຍ​ຄຳ ອາ­ຍຸ 52 ປີ​ິ ອາ­ຊີບ​ເຮັດ​ນາ ຢູ່​ບ້ານ​ພູ­ເຂົາ​ຄວາຍ ເມືອງ ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ປະ­ຈຸ​ບັນ   ຢູ່​ບ້ານ​ນາ​ສານ  ເມືອງ​ຈຳ​ພອນ ພ້ອມ​ຂອງ ກາງ​ຢາ​ບ້າ 37 ເມັດ ແລະ​ອຸ­ປະ­ກອນ ການ​ເສບ​ຢາ​ນຳ​ພວກ​ກ່ຽວ​ຈຳ­ນວນ​ໜຶ່ງ.

ຜ່ານ​ການ​ສອບ​ສວນ​ຂອງ​ພວກ​ກ່ຽວ ຮັບ​ສະ­ລະ​ພາບ​ວ່າ: ຢາ​ບ້າ ແລະ​ອາ­ວຸດ ຈຳ­ນວນ​ດັ່ງ­ກ່າວ​ເປັນ​ຂອງ​ພວກ​ກ່ຽວ ແທ້ ປະ­ຈຸ​ບັນ​ເຈົ້າ​ໜ້າ­ທີ່​ຍັງ​ດຳ­ເນີນ​ການ ຕາມ​ລະ­ບຽບ​ກົດ­ໝາຍ ແລະ​ຫາ​ຜູ້​ຮ່ວມ​ຂະ​ບວນ​ການ.

ສ່ວນ​ພວກ​ມົ້ວ​ສຸມ​ຢາ​ເສບ​ຕິດ​ອີກ 5 ຄົນ, ທາງ​ເຈົ້າ​ໜ້າ­ທີ່​ຕຳ­ຫຼວດ ປກສ ເມືອງ​ຈຳ​ພອນ​ແມ່ນ​ຈະ​ໄດ້​ສຶກ​ສາ​ອົບ­ຮົມ ແລະ​ມອບ​ໃຫ້​ຜູ້​ປົກ­ຄອງ​ພວກ​ກ່ຽວ. ຊຶ່ງ​ທັງ 5 ຄົນ​ໄດ້​ຮັບ​ສາ­ລະ­ພາບ​ວ່າ: ໄດ້​ໄປ ຊື້​ຢາ​ບ້າ ແລະ​ເສບ​ຢູ່​ທີ່​ຖຽງ­ນາ ຂອງ​ທ້າວ  ບຸນ​ກອນ (ພໍ່­ເຖົ້າ) ແລະ​ຖຽງ­ນາ​ທ້າວ ຕີ໋ (ລູກ­ເຂີຍ) ເພາະ­ວ່າ​ມີ​ອຸ­ປະ­ກອນ​ເສບ ໄວ້​ໃຫ້​ພ້ອມ ຊຶ່ງ​ຖຽງ­ນາ​ຢູ່​ໃກ້​ກັນ, ສ່ວນ ທ້າວ ສາຍ​ຄຳ ເປັນ​ພໍ່​ຂອງ​ທ້າວ ຕີ໋ ທີ່​ໄດ້ ມາ​ເຮັດ​ເຮືອນ​ນຳ ທ້າວ ຕີ໋ (ລູກ​ຊາຍ) ແມ່ນ​ໄດ້​ໄປ​ເອົາ​ຢາ​ບ້າ​ນຳ​ທ້າວ ບຸນ​ກອນ ມາ​ຂາຍ ແຕ່​ຢາ​ບ້າ​ໝົດ​ເລີຍ​ມາ​ເອົາ​ນຳ​ລູກ​ຊາຍ​ຕົວ​ເອງ ທັງ​ສາມ​ມີ​ການ​ພົວ­ພັນ ແລກ­ປ່ຽນ​ຄ້າ­ຂາຍ​ຢາ​ບ້າ​ກັນ​ຢູ່​ເປັນ​ປະ ຈຳ​ເພື່ອ​ຂາຍ​ໃຫ້​ໄວ​ໜຸ່ມ​ທີ່​ມາ​ຊື້ ແລະ​ເສບຢູ່​ຖຽງ­ນາ​ຂອງ​ພວກ​ຕົນ ແລ້ວ​ຖືກ​ເຈົ້າ  ໜ້າ­ທີ່​ຈັບ​ຕົວ​ມາ​ດຳ­ເນີນ​ຄະ­ດີ​ຄື​ດັ່ງ­ກ່າວ.

ຂ່າວຈາກ: ເສດຖະກິດ-ສັງຄົມ

 

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...