ຕ້ອງຍອມຮັບເລີຍວ່າ ວິວັດທະນາການດ້ານເຕັກໂນໂລຢີ ຂອງຈີນນັ້ນບໍ່ທຳມະດາແທ້ໆ ບໍ່ມີສິ່ງໃດຍາກ ຫຼື ເຮັດບໍ່ໄດ້ສຳລັບຈີນ ເພາະປັດຈຸບັນນີ້ ທາງລັດຖະບານຈີນໄດ້ມີການສ້າງ ລົດເມພິເສດ ທີ່ມີຊື່ວ່າ TEB-1 ຫຼື ມີຊື່ເຕັມແມ່ນ Transit Elevated Bus ເຊິ່ງຕາມການລາຍງານຂ່າວຈາກສຳນັກຂ່າວຊິນຫົວ ໃຫ້ຮູ້ວ່າ ໃນວັນທີ 21 ພຶດສະພາ 2016 ຜ່ານມາ ຈີນໄດ້ມີການທົດລອງ ລົດເມພິເສດ ຄັນນີ້ທີ່ມີສາຍານາມວ່າ ຍົນເທິງດິນ ຫຼື Land Airbus . ຖືເປັນລົດເມຄັນທຳອິດຂອງໂລກທີ່ອອກແບບໃນລັກສະນະນີ້.
ການທົດລອງທີ່ ໂດຍທີ່ລົດເມສາມາດແລ່ນໄດ້ຕະຫຼອດເສັ້ນທາງທີ່ກຳນົດໄດ້ໂດຍບໍ່ຈອດ ສ່ວນລົດຄັນອື່ນທີ່ແລ່ນຕາມທ້ອງຖະໜົນກໍ່ຍັງສາມາດ ແລ່ນໄດ້ຕາມປົກກະຕິ ໂດຍການແລ່ນລອດກ້ອງລົດເມຄັນພິເສດນີ້ຕາມໃນຮູບພາບ ເຊິ່ງພາຍໃນລົດຍັງມີຄວາມກ້ວາງຂວາງສາມາດບັນຈຸຄົນໄດ້ເປັນຈຳນວນຫຼາຍ ຕ້ອງຍອມຮັບເລີຍວ່າ ແນວຄວາມຄິດຂອງຈີນນີ້ ສຸດຍອດຫຼາຍ
ທີ່ມາ: China Xinhua News