ວັນເທີງຕ່າງວັນນີ້ ເຮົາຈະມາຕາມກະແສທາງເກົາຫຼີໃຕ້ ກັນແນ່ຈັກໜ່ອຍ ເພາະປັດຈຸບັນນີ້ມີກະແສຄວາມ Hot ຂອງຊີຣີ້ເກົາຫຼີໃຕ້ທັງສອງເລື່ອງ ບໍ່ວ່າຈະເປັນ ເລື່ອງ “ຮັກນີ້ເພື່ອຊາດ ຫົວໃຈເພື່ອເຈົ້າ” ທີ່ໄດ້ພະເອກເບີໜຶ່ງຂອງເກົາຫຼີໃຕ້ໃນຕອນນີ້ຢ່າງ ຊົງຈຸງກິ ມາສະແດງຄູ່ກັບ ນາງເອກແຖວໜ້າຂອງເກົາຫຼີໃຕ້ ຢ່າງ ຊອງເຮຄຽວ ແລະ ອີກຊີຣີ້ເລື່ອງໜຶ່ງທີ່ຖືວ່າຕອນນີ້ແມ່ນມາແຮງຫຼາຍ ແລະ ໃກ້ຈະເຖິງຕອນອາວະສານແລ້ວ ຢ່າງເລື່ອງ “ຈາງອົກຈອງ ຕຳນານຮັກຄູ່ບັນລັງ” ເຊິ່ງໄດ້ພະເອກຂັວນໃຈສາວເກົາຫຼີໃຕ້ ຢ່າງ ຢູອາອິນ ມາສະແດງຄູ່ກັບ ນາງເອກແຖວໜ້າສາຍາ ນາງຟ້າແຫ່ງເກົາຫຼີ ຢ່າງ ຄິມແທຮີ

ເລື່ອງ ຈາງອົກຈອງ ຕຳນານຮັກຄູ່ບັນລັງ ທີ່ຈິງເປັນເລື່ອງທີ່ສ້າງ ແລະ ສາຍແລ້ວແຕ່ປີ 2013 ໃນທາງຊ່ອງໂທລະພາບຂອງເກົາຫຼີໃຕ້ ແຕ່ທາງໂທລະພາບຊ່ອງ 3 ໄດ້ນຳເອົາມາສາຍຄືນອີກຄັ້ງ ຈິ່ງເຮັດໃຫ້ເລື່ອງນີ້ເກີດກະແສຮືຮາດັງຂຶ້ນເປັນຮອບທີສອງ ແລະ ແນ່ນອນວ່າບັນດາຕິ່ງແຟນຄລັບຂອງທັງສອງຊີຣີ້ ໄດ້ມີການນຳເອົາຕົວລະຄອນທັງສອງເລື່ອງນັ້ນໂດຍສະເພາະນາງເອກ ຢ່າງ ຊອງເຮຄຽວ ແລະ ຄິມແທຮີ ມາປຽບທຽບກັນຫຼາຍໆດ້ານບໍ່ວ່າຈະເປັນຄວາມງາມ, ຄວາມສາມາດໃນສະແດງ ແລະ ລະດັບຄວາມດັງຂອງທາງສອງນາງ ເອົາເປັນວ່າເຮົາກໍ່ບໍ່ລໍຊ້າ ເຮົາມາເບິ່ງ ແລະ ຕັດສິນໃຈເອົາເອງວ່າໃຜ…ກວ່າໃຜ ສ່ວນແອັດມິນນິເລືອກບໍ່ໄດ້ເລີຍ ເພາະເປັນແຟນຄລັບ ແລະ ເຊຍທັງສອງນາງມາຕະຫຼອດ