ສຳນັກຂ່າວຕ່າງປະເທດ ລາຍງານໃນວັນທີ 3 ສິງຫານີ້ວ່າ ໃນວັນທີ 1 ສິງຫາ 2016 ຜ່ານມານີ້ ກອງທັບເຮືອຈີນ ໄດ້ປະຕິບັດການຊ້ອມຮົບ ດ້ວຍການຍິງອາວຸດຈິງ ໃນທະເລຈີນຕາເວັນອອກ ໂດຍອາວຸດທີ່ໃຊ້ໃນການເຝິກຊ້ອມ ແມ່ນປະກອບມີທັງລູກສອນໄຟ ແລະ ຈະຫລວດຕໍປີໂດ ນັບຫລາຍສິບລູກ ທີ່ຖືກຍິງຈາກກຳປັ່ນສູ້ຮົບ, ເຮືອດຳນ້ຳ ຕະຫລອດຮອດເຮືອບິນສູ້ຮົບອີກດ້ວຍ.
ທັງນີ້ ການເຝິກຊ້ອມສູ້ຮົບດັ່ງກ່າວ ໄດ້ມີຂຶ້ນໃນທ່າມກາງຄວາມເຄັ່ງຕຶງໃນພາກພື້ນ ຊຶ່ງຈີນໄດ້ເນັ້ນຢ້ຳວ່າ ຈະປົກປັກຮັກສາອະທິປະໄຕ ຢູ່ທະເລຈີນໃຕ້ຂອງຕົນຢ່າງເຂັ້ມແຂງ ໂດຍກ່ອນໜ້ານີ້ພຽງ 1 ເດືອນ ກອງທັບຈີນ ກໍໄດ້ທຳການຊ້ອມຮົບ ຢູ່ທະເລຈີນໃຕ້ມາແລ້ວຄັ້ງໜຶ່ງ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!