ຫຼ້າສຸດນີ້ China Unicom ສາຂາຮ່ອງກົງ ໄດ້ອັບໂຫຼດຮູບພາບກ່ຽວກັບ iPhone 7s ເພື່ອເປັນຄຳໃບ້ບອກໃຫ້ຮູ້ວ່າ iPhone 7s ທີ່ຈະອອກມານີ້ແມ່ນຈະມີກ້ອງຫຼັງເລນຄູ່ ແລະສີໃຫ້ເລືອກເຖິງ 4 ສີໄດ້ແກ່: ສີເທົາ, ສີຟ້າ, ສີຄຳທາຍຣັນ ແລະສີຄຳກຸຫຼາບ. ໂດຍສີີທີ 5 ມີຄວາມເປັນໄປໄດ້ສູງວ່າຈະເປັນສີດຳ.
ນອກຈາກນີ້ຍັງມີຄົນທີ່ອັບໂຫຼດຮູບຫຼຸດແບບເຣນເດີ້ຂອງ iPhone 7 ທີ່ມີ 5 ສີໄດ້ແກ່: ສີເທົາ, ສີຟ້າເຂັ້ມ, ສີເງິນ, ສີຄຳທາຍຣັນ ແລະສີຄຳກຸຫຼາບ. ສຳລັບຂໍ້ມູນອື່ນໆນອກຈາກສີຂອງໂຕເຄື່ອງຍັງມີຂໍ້ມູນທີ່ວ່າ iPhone 7 Plus ແມ່ນໃຊ້ຊື່ວ່າ iPhone Pro ເປັນຊື່ເອີ້ນກັນຢ່າງເປັນທາງການອີກນຳ.
ສຳລັບລາຄາຂອງ iPhone 7 ຄາດວ່າຈະປະມານ 5288 ຢວນ (6.445.000 ກີບ) ສຳລັບລຸ້ນ 32GB ແລະ iPhone Pro ປະມານ 6088 ຢວນ (7.420.000 ກີບ) ສຳລັບລຸ້ນ 32GB. ໂດຍທັງສອງເຄື່ອງນີ້ຈະມີຄວາມສາມາດໃນການກັນນ້ຳທີ່ດີກວ່າ iPhone 6s ແຕ່ຍັງບໍ່ດີພໍທີ່ຈະໄດ້ຮັບມາດຕະຖານ IP68. ເຊິ່ງ iPhone 7 ແລະ iPhone 7 Pro ຄາດວ່າ Apple ຈະເປີດໂຕຢ່າງເປັນທາງການໃນຊ່ວງເດືອນກັນຍານີ້.
ທີ່ມາ:gizmochina
ສຳລັບທ່ານໃດທີ່ຮັກໃນການອ່ານຂ່າວໄອທີ ແລະ ເກມ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!