ເມື່ອວັນທີ 26 ກໍລະກົດ 2016 ເວັບໄຊເດລີເມລ ເຜີຍລາຍງານວ່າ ນັກວິທະຍາສາດຈາກມະຫາວິທະຍາໄລເກນຕ໌ ໃນປະເທດ ເບລຢຽມ ໄດ້ສ້າງສິ່ງປະດິດອຸປະກອນຊະນິດໜຶ່ງຂຶ້ນມາໂດຍມີຄຸນສົມບັດພິເສດຄື ສາມາດປ່ຽນນ້ຳປັດສະວະໃຫ້ກາຍເປັນນ້ຳດື່ມໄດ້ ໂດຍຕົວເຄື່ອງນີ້ມີຂະບວນການທຳງານງ່າຍໆ ບໍ່ຊັບຊ້ອນ ແລະ ອາໃສພະລັງງານຈາກແສງແດດຊ່ວຍເທົ່ານັ້ນ
ດຣ. ເຊບາສຕຽນ ດີຣິສ ຫົວໜ້າທີມຜູ່ຄິດຄົ້ນ ໄດ້ເຜີຍວ່າ ຂະບວນການທຳງານຂອງເຄື່ອງນີ້ ເລີ່ມຈາກການກັກເກັບນ້ຳປັດສະວະໄວ້ໃນຖັງເກັບນ້ຳທີ່ເຮັດໜ້າທີ່ເປັນໝໍ້ຕົ້ມນ້ຳຂະໜາດໃຫຍ່ ແລ້ວອາໃສຄວາມຮ້ອນຈາກແສງແດດໃນການຕົ້ມ ເມື່ອໄດ້ຮັບຄວາມຮ້ອນປັດສະວະກໍ່ຈະແຍກຕົວເປັນຊັ້ນລະຫວ່າງນ້ຳກັບທາດທີ່ຢູ່ໃນນັ້ນ ຢ່າງພວກໂປຣແຕສຊຽມ ໄນໂຕໜເຈນ ແລະ ຟອສຟໍຣັສ ເຊິ່ງແຮ່ທາດເຫຼົ່ານີ້ຈະຖືກນຳໄປເຮັດປຸ໋ຍ ສ່ວນນ້ຳຈະຜ່ານຂະບວນການພາຍໃນເຄື່ອງ ຈົນໄດ້ນ້ຳທີ່ບໍລິສຸດສາມາດດື່ມໄດ້
ແຫລ່ງຂໍ້ມູນຈາກ: http://hilight.kapook.com/view/140086