ຊ່ວງນີ້ເປັນລະດູຝົນ ແນ່ນອນເລີຍວ່າຫຼາຍຄົນຄົງຈະໄດ້ພົບກັບບັນຫາກິ່ນເໝັນໃນເສື້ອຜ້າ ຖ້າຈະຊັກເຄື່ອງໃໝ່ກໍ່ສຸດແສນຈະຄ້ານ ບັນຫາເຫຼົ່ານັ້ນຈະໝົດໄປ ເພາະວັນນີ້ພວກເຮົາມີວິທີ ກຳຈັດກິ່ນເໝັນໃນເສື້ອຜ້າມາຝາກກັນ ເຊິ່ງຈະມີວິທີໃດແນ່ນັ້ນເຮົາມາອ່ານກັນເລີຍ

ສູດຖ່ານດັງໄຟດູດກິ່ນໄດ້ດີທີ່ສຸດ

ອີກໜຶ່ງຕົວຊ່ວຍໃນການດັບກິ່ນນີ້ຄືຖ່ານດັງໄຟ ພຽງແຕ່ທ່ານນຳຖ່ານໜຶ່ງກ້ອນໃສ່ໄວ້ໃນຖົງຕີນບາງໆ ຫຼື ບາຂາຂອງແມ່ຍິງ ແລ້ວເອົາໄປໃສ່ໃນຕູ້ເສື້ອຜ້າ ປະໄວ້ຢ່າງໜ້ອຍໜຶ່ງຄືນ ພຽງເທົ່ານີ້ກິ່ນເສື້ອກໍ່ຈະຈາງລົງແລ້ວ

ນຳເສື້ອຜ້າອອກໄປຕາກແດດ ແລະ ລົມອີກຄັ້ງ

ເພາະເສື້ອຜ້າທີ່ຕາກໃນວັນຝົນຕົກຍັງບໍ່ແຫ້ງດີປານໃດມັນເລີຍເຮັດໃຫ້ເກີດມີແບັດທີເຣຍ ແລະ ເຮັດໃຫ້ມີກິ່ນອັບເໝັນໃນເສື້ອຜ້າ ສະນັ້ນການນຳເສື້ອຜ້າທີ່ຊັກໄປຕາກແດດແລະຕາກລົມອີກຄັ້ງກໍ່ຈະເຮັດໃຫ້ກິ່ນເໝັນນັ້ນຫາຍໄປໄດ້

ແຊ່ເສື້ອຜ້າໄວ້ໃນຊ່ອງແຂງ

ສຳລັບເສື້ອຜ້າທີ່ພັບໄວ້ໃນຕູ້ເປັນເວລາດົນຈະເຮັດໃຫ້ເກີດມີກິ່ນອັບເໝັນສາບ ດັ່ງນັ້ນຈິ່ງຂໍແນະນຳໃຫ້ນຳເສື້ອຍັດໃສ່ຖົງຢາງ ແລະ ມັດ ຫຼື ຮີດປາກຖົງຢາງໃຫ້ແໜ້ນສະໜິດດີຈາກນັ້ນກໍ່ເອົາໄປແຊ່ໄວ້ທີ່ຊ່ອງແຂງໃນຕູ້ເຢັນ ໃຊ້ເວລາ 2 ຊົ່ວໂມງ ຈິ່ງນຳມາອອກມາລີດນຸ່ງ ພຽງເທົ່ານີ້ກິ່ນສາບເສື້ອກໍ່ຈະຈາງຫາຍໄປແລ້ວ

ທີ່ມາ: http://home.kapook.com/view151670.html